Hilketaren erruduntzat jo dute Groseko krimenaren akusatua
Epaimahaiak errudun jo du 2020ko martxoan Donostiako Gros auzoan gizon bat labankadaz hiltzea egotzita akusatutako gizona. Ez ditu aintzat hartu aringarriak, besteak beste, gertakarien unean drogen eraginpean egotea. Gertakarien egunean berarekin zegoen lagunari, baina, absolbitu egin dute; izan ere, epaileen ustez berari edo familiari zerbait egingo ote zion "beldur" zen eta horregatik jokatu zuen gisa horretara.
Fiskaltzak 25 urteko kartzela-zigorra eskatzen zuen, hilketa egotzita, eta, akusazio partikularrak, berriz, 30 urtekoa, ustezko egileak maltzurkeriaz egin zuela iritzita. Gainera, akusatuaren lagunari bera estaltzea leporatzen zioten, eta urte eta erdiko espetxe-zigorra eskatzen zuten harentzat. Azkenean, baina, absolbitu egin dute.
2020ko martxoaren 14an, goizeko 06:00etan, Groseko Katalunia plazako haur-parkean gertatu zen ezbeharra, 46 urteko Donostiako bizilagunari hainbat labankada sartu ostean. Ustezko egilea handik denbora gutxira atxilotu zuten hilketa egotzita. Harekin batera, laguna ere atxilotu zuten, estaltze-delitu bat egotzita.
Itxura guztien arabera, Katalunia plazatik gertu dagoen ostalaritza-establezimendu batean hasi zen guztia, biktima eta erasotzailea eztabaidan hasi zirenean. Orduan, ustezko egilea eta bere laguna tabernatik irten ziren ziztu bizian eta akusatuaren etxera joan ziren. Han arropa aldatu, sukaldeko aizto bat hartu eta lokalera itzuli zen.
Bi gizonak, akusatua eta biktima, elkarrekin irten zuren lokaletik eta inguruan dagoen haur-parkean erasotzaileak 41 labankada eman zizkion biktimari. Bertan hil zen.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.