EAEko erakundeek errefuxiatu ukrainarrak hartzeko plana aurkeztuko dute arratsaldean
Arratsalde honetan, Euskal Autonomia Erkidegoko erakundeak, elkarteekin batera, errefuxiatu ukrainarrak hartzeko estrategia aztertuko eta kontingentzia-plan bat diseinatuko dute. Bileraren ostean ez da aurreikusi prentsaurrekorik egotea.
Erakundeen arteko mahaian egongo dira Iñigo Urkullu lehendakaria, Eusko Jaurlaritzaren beste ordezkariekin batera; Ramiro Gonzalez, Unai Rementeria eta Markel Olano hiru ahaldun nagusiak; Eudel udalerrien elkarteko presidente Gorka Urtaran; Denis Itxaso Espainiako Gobernuaren EAEko ordezkaria eta errefuxiatuei laguntzen lan egiten duten sei elkartek
Eusko Jaurlaritzaren aldetik, Urkulluz gain, Josu Erkoreka eta Idoia Mendia lehendakariordeak, Jokin Bildarratz Hezkuntza sailburua, Gotzone Sagardui Osasun sailburua, Iñaki Arriola Lurralde Plangintza, Etxebizitza eta Garraioen sailburua eta Bingen Zupiria Kultura eta Hizkuntza Politika sailburua eta bozeramailea, Beatriz Artolazabal Berdintasun, Justizia eta Gizarte Politiketako sailburuak koordinatuta.
Erakundeei dagokienez, mahaian izango dira Gurutze Gorria, Caritas, CEAR Euskadi, Ellacuria Fundazioa, Movimiento por la Paz eta Euskadiko etorkinei laguntza emateko Accem koordinakundea.
"Hainbat eszenatoki posible"
Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak kazetariei erantzunez Legebiltzarrean esan duenez, arratsaldeko bileran pertsona hauen harrerarako "bide orria" aztertuko da.
Jaurlaritzak egunak daramatza beste erakunde batzuekin elkarlanean dokumentu hori lantzen, eta bertan, Araba, Bizkaia eta Gipuzkoan aurre egin beharreko "hainbat eszenatoki posible" aurreikusten dira, Ukrainatik erkidegora bide "estraofizialetatik" -familia edo gizarte laguntzarako sareak-, nahiz "ofizialetatik -Europar Batasunak ezar dezakeen banaketa- iristen diren pertsona kopuruaren araberakoak.
Kopuruaren inguruko ezjakintasun horretaz jabe, "elkartasunerako" eta erakunde arteko "leialtasunerako" dei egin du Artolazabalek. Era berean, gizarteari eskatu dio, eskaintzen ari den "elkartasun masibo" hori, modu "artikulatu eta antolatuan" bidera dadila, kolektiboari erantzun "egokia" eman ahal izateko.
Sailburuak gogorarazi du bizkarrean "sufrimendu handia" dakarten pertsonak direla, eta, hori dela eta, laguntza humanitarioaz eta hezkuntza, osasun eta mantenurako baliabideez gain, beharrezkoa izango dela laguntza "emozionala" ere eskaintzea.
Azaldu duenez, hasi dira dagoeneko Euskal Herrira iritsi diren hainbat haur ukrainar eskolaratzen. Halaber, herrialde hartatik datozen pertsonek asilo eskaerarako prozedura ofizialak egitearen garrantzia azpimarratu du, errefuxiatu izaerak bermatzen dizkien eskubideak baliatu ahal izan ditzaten hala.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.