Sagardui: "Maskara barnealdean kentzeaz ez genuen hitz egin Lurralde arteko bileran, oraindik ez da unea"
Gotzone Sagardui Osasun sailburuak nabarmendu duenez, maskara barnealdean kentzearen gaia ez zuten ahotan hartu atzo Lurralde arteko Osasun Batzordearen bileran. "Sortutako ikusminari buruz aritu ginen, ulertzen dugu hein batean, denok nahi dugulako gauzak hobera joatea, baina ez zen gaia aztertu (...) Oraindik ez da unea heldu. Denok bat gatoz noiz kendu baino, nola dela kasu honetan garrantzitsuena", azaldu du.
Radio Euskadiko "Boulevard" saioan egin dioten elkarrizketan, Sagarduik esan du "gorakada txikia" igarri dutela pandemiaren adierazleetan. "Gaur 900 kutsatze berrien langa gaindituko dugu berriro", erantsi du. Horren ustez, herritarrak "erlaxatu" egin dira prebentzio neurriak hartzeko orduan, eta litekeena da hori izatea hazkunde horren arrazoia. "Oraindik hilabeteak eman beharko ditugu birus honekin elkarbizitzen. Ikusi behar dugu nora doan goranzko joera hori, baina badirudi oraingoz ez diola ospitaleei eragin", erantsi du.
Lurralde Arteko Osasun Batzordeak izurria beste modu batez kontrolatzeko beharra aztertu zuela argitu du Sagarduik, eta horretan erkidego guztiak bat etorri zirela jakinarazi du: "Adierazleen bilakaera bestelakoa den heinean, horiek jarraitzeko modua ere aldatu beharko da". Azaldu duenez, Euskadik badu esperientzia pilotu bat arnas aparatuko gaixotasunak (gripea, covid-19a eta besteren bat) kontrolatzeko mediku jagole talde batekin, eta eredu berri horretan lagungarri izan daiteke.
Ukrainako gerrak sortutako krisi humanitarioaz, esan du Osasun Saila EAEko gainerako erakundeekin lankidetzan ari dela propio sortu duten kontingentzia planaren baitan. "Harrera ezberdina izango da, epe ertain-luzekoa. Ez dakigu zein izango den hartu beharko dugun pertsonen kopurua, baina edonola ere, Osakidetzatik eta Osasun Sailetik lan egingo dugu errefuxiatuei emango zaien osasun arreta euskal herritarrek dutenaren parekoa izango dela". Halaber, adierazi du Ukrainatik eskatzen ari zaizkien osasun produktuak helarazteko koordinatzen ari direla.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.