Bertan behera utzi dute martxoaren 25erako Hezkuntza sektorean deitutako greba
Sindikatuek bertan behera utzi dute datorren ostiralerako Euskal Autonomia Erkidegoko Hezkuntza sektorean deitu zuten greba.
Joan den ostiralean, EAJk, EH Bilduk, Elkarrekin Podemos-IUk eta PSE-EEk hezkuntza lege berriaren oinarriak adostu zituzten Legebiltzarrean. Itun horren harira, sindikatuek bilera egin dute gaur arratsaldean eta ostiraleko lanuztea atzera botatzea erabaki dute.
Miren Zubizarreta ELAko ordezkariak adierazi du greba-deialdia atzeratzea erabaki dutela, lau talde politikoen artean egindako akordioan hainbat "gabezia eta zehaztapen falta" antzeman dituzten arren.
"Akordio horrek eragin duen nahasmenarekin ez dago baldintzarik datorren ostiralean grebara jotzeko", azaldu du.
Hala ere, Zubizarretak azpimarratu du gainerako sindikatuekin batera beste mota bateko mobilizazioak egitea aztertuko dutela eta zehaztu du ez dutela baztertzen lanuztea aurrerago egitea.
CCOO sindikatuak uste du Legebiltzarrean lortu duten akordio zabalarekin greba-deialdiari eusteak ez duela zentzurik.
"Hasierako dokumentua oso txarra zen, eta oraindik dokumentu berria publiko egin ez badute ere, badakigu aldaketak egin dituztela, hezkuntza publikoaren aldeko apustua egiten dela, baliabideak gehituz, eta segregazioa kontrolatzeko neurri eta konpromiso zehatzak hartu direla", azaldu du ohar batean.
Edonola ere, CCOOk nabarmendu du sindikatuak alderdi politikoen gainean egongo direla, "lege berriaren lanketan eragiteko".
Steilas sindikatuak, berriz, "borrokan segitzeko unea" dela iritzi dio, baina aitortu du sindikatuen artean ez dagoela batasun nahikorik ostiraleko grebari eusteko.
"Alderdi politikoek egin duten akordioaren edukia ez dugu ezagutzen, baina zabaldu den informazioaren arabera, hainbat kontraesan daude eta hezkuntza publikoa defendatu gabe jarraitzen dute", kritika du ohar batean.
LAB sindikatuak ere adierazi du langileak grebara deitzeko baldintzarik ez dagoela une honetan.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.