Droga laborategi bat desegin eta bi pertsona atxilotu dituzte Bilbon
Ertzaintzak eta Guardia Zibilak bi droga laborategi desegin dituzte berriki Bilbon eta Valladoliden, Eusko Jaurlaritzako Segurtasun Sailak asteazken honetan jakinarazi duenez. Bi pertsona atxilotu eta espetxeratu dituzte "Virgin Va" izenez bataiatu duten polizia operazioaren baitan.
2021eko urrian, Bilboko ertzain-etxeko agenteak bi gizon ikertzen hasi ziren, anfetamina edo "speed" drogarekin trafikatzen zutelakoan. Ikerketari esker ondorioztatu ahal izan zutenez, pertsona horiek Valladolideko beste batzuekin harremanak zituzten.
Drogaren abiapuntua Bilbo zen, eta azken kontsumitzailea Valladoliden zegoen.
Lehenengo atxiloketak otsailean egin zituzten, Valladoliden, Bilbotik errepidez joan zen pertsona bati segika pakete bat hartuta. Ondoren, kokaina eraldatzeko laborategi bat aurkitu eta desegin zuten.
Bilboko laborategia
Martxoaren 9an, bi pertsona atxilotu zituzten Bilbon. Aldi berean, hainbat etxebizitza, garaje itxi bat eta trasteleku bat miatu zituzten. Trasteleku hori, hain zuzen, substantzia sintetikoak egiteko laborategi moduan erabiltzen zuten.
Bilboko miaketa horietan, agenteek 12 kilo "speed" inguru, 650 gramo kokaina, heroina, arma labur bat eta droga ekoizteko tresnak konfiskatu zituzten. Ikertzaileen arabera, atzemandako material horrekin guztiarekin 20-30 kilo "speed" gehiago produzitu ahalko zuten.
Martxoaren 11n, bi pertsona gehiago atxilotu zituzten Valladoliden. Gaztela eta Leonen atxilotutako pertsonetatik hiru espetxeratu egin zituzten.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.