Cabezudoren etxea soilik miatu zuten ertzainek, eta ez, aurreikusita zegoen moduan, argazkilariaren estudioa
2014an Kote Cabezudoren etxebizitza miatu zuten bi ertzainek asteazken honetan ziurtatu dutenez, operatibo horretan bertan argazkilariaren estudioa ere ikuskatzea zegoen aurreikusita, baina, azkenean, eginbide hori ez zen gauzatu, akusatuak lokala hutsik zegoela esan ostean.
Kote Cabezudo argazkilari donostiarraren aurkako auziaren hamargarren egunean perituak hasi dira deklaratzen. Ikerketan parte hartu duten bi ertzainek lekukotza eman dute, eta ateak irekita egin da gaurko auzia, Donostiako Lurralde Auzitegian. 10:00etan sexu-abusuak salatu dituzten azken hiru biktimak deklaratu dute, eta, ondoren, ikerketan parte hartu duten lehen ertzainen txanda izan da.
Bi poliziek gogorarazi dute 2014ko uztailaren 30ean Cabezudoren Donostiako erdiguneko etxera joan zirela etxebizitza miatzera, eta bertatik hiru disko gogor baino ez zituztela eraman. Akusatuak miaketan parte hartu zuela azaldu dute, baina lanerako erabiltzen zuen lokala ere ikuskatu behar zutela esan ziotenean, dagoeneko ez zuela erabiltzen esan zien. Dena dela, ertzainek ez dute gogoratu "abandonatuta", "alokatuta" edo "hutsik" zegoelako izan ote zen.
Hala, azaldu dutenez, jarduketan parte hartzen ari zen Justizia Administrazioaren abokatua Instrukzioko Epaitegiarekin harremanetan jarri zen, eta, ondoren, ez zen lokalean aurreikusitako erregistroa egin.
Horietako batek adierazi duenez, material informatikoa ari ziren bilatzen, eta "ordenagailu-pantaila bat eta bizpahiru disko gogor" aurkitu zituzten. Gaineratu du ez zutela ordenagailu-dorrerik ikusi. Bigarren agentearen arabera, "datuak gordetzeko balio zezakeela uste genuen guztia eraman genuen etxetik", hau da, "hiru disko gogor". Biak bat etorri dira miaketa inolako gorabeherarik gabe egin zela eta akusatuak bilaketa egiten lagundu zuela esaterakoan.
Epaiketak ostegun honetan jarraituko du, 09:30ean, lekuko berriekin, eta, hasiera batean, ateak irekita izatea aurreikusten da.
Fiskaltzak 121 urteko kartzela-zigorra eskatu du akusatuarentzat, 32 delitu egotzita; haur-pornografia, sexu-abusua eta iruzurra, besteak beste. Akusazio partikularrak, baina, 2.400 urteko zigorra eskatu du. 74 urteko argazkilari donostiarrak bere aurkako salaketa guztiak ukatu ditu, eta modeloek ez zutela nahi ez zuten ezer egin azaldu du bere deklarazioan.
Dagoeneko 10 modelotik gora deklaratu dute epaiketan, eta horietako batzuek jasandako sexu-abusuak deskribatu dituzte. Gogorrena argazkilariari 150 bortxaketa egitea leporatu dion emakumearena da.
Zure interesekoa izan daiteke
Euskadiko adinekoen artean oso zabalduta dago jokoa baina joko problematiko kasuak oso urriak dira
Jokoaren Euskal Behatokiak egin duen “65 urtetik gorako pertsonak eta jokoa Euskadin” txostenak erakusten duenaren arabera, jokoa gehiago lotzen da tradizioarekin eta entretenimenduarekin adikzio jokabideekin baino. Bingen Zupiria Segurtasun sailburuak eta Ixone Fernández de Labastida EHUren Arabako Campuseko errektoreordeak gaur aurkeztu dute ikerketa, otsailaren 17an izaten den Joko Arduratsuaren Nazioarteko Egunaren harira antolatutako jardunaldian.
Espainiako Gobernuak 16 urtetik beherakoei edari energetikoak saltzea debekatuko du
Kontsumo ministroak iragarri du 16 urtetik beherakoei edari energetikoak saltzea debekatzeko araudia martxan jarriko duela, eta debekua 18 urtera artekoa izango da 100 mililitroko 32 miligramo kafeina baino gehiago duten edarien kasuan.
Zupiria, Sestaoko gertakariari buruz: "Ertzaintzak indarra behar bezala erabiltzen ez duenean, lehenak gara salatzen"
Bingen Zupiria Segurtasun sailburuak ziurtatu duenez, Ertzaintzak "gizartearen legitimitatea du indarra modu zuzen eta proportzionalean erabiltzeko, eta hori gertatzen ez denean, hori salatzen lehenak gara". Gasteizen ekitaldi bat egin aurretik, Segurtasun sailburuak adierazi du hasiera-hasieratik izan duela zaurituen egoeraren berri. Halaber, gogorarazi du Segurtasun Batzordean agerraldia eskatu duela gertatutakoaren nondik norakoak azaltzeko.
Beste emakume batek Iñigo Errejon salatu du sexu-erasoagatik
Defentsa abokatuak, Elisa Mouliaa aktorearen abokatua ere badenak, biktima lekuko babestua izan dadin eskatu du, haren identitatea babesteko.
Hamar pertsona artatu dituzte, horietako lau ertzainak, sute batean kea arnasteagatik, Gasteizen
Gasteizko Santiago kaleko lau solairuko eraikin bateko sukaldean piztu da sua, bitrozeramikan, Segurtasun Sailak jakitera eman duenez.
Auto-ilara luzeak Leioako errepidean, Bilborako noranzkoan, ibilgailu batek istripua izan duelako
Auto batek istripua izan du eta auto-ilara luzeak sortu dira Leioako errepidean, Bilborako noranzkoan.
Salaketa jarri dute Ertzaintzaren aurka, gizonezko bati barrabiletan lesio larria eragiteagatik, Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu hori nahikoa adierazgarria da".
Martxan dago Masustegi auzora igotzeko funikularra
Masustegi auzora igotzeko funikular berria martxan da. Aldapa handiak eta eskailera ugari diren auzo horretan, aspaldian eskatua zen igogailua estreinatu berri da. 100 metroko aldapak igotakoan, herri moduko bat dago, nahiz eta hirian egoten jarraitu.
Tuterako Ospitaleko mediku egoiliar batek salatu du lankide batek sexu-erasoa egin diola
Azaldu du Larrialdialdietako zerbitzuan guardian zeudela gertatu zela erasoa, eta osasun-zentroak kasua artxibatu egin zuela, "probarik ez" zegoela argudiatuta.