Hiru pertsona hil dira Okondoko baserri batean izandako sutean
Sute larria izan da bart Okondon (Araba), eta familia bereko hiru pertsona hil dira, Alberto Amenabar Arabako suhiltzaileen buruak Euskadi Irratian baieztatu duenez.
Bi gizon eta emakume bat dira hildakoak, 80, 82 eta 85 urteko neba-arrebak. Hirurak bizi ziren baserrian, eta, antza denez, lotan harrapatu ditu suak.
04:30ean piztu da sua Markuartu gaineko baserri batean. Ordu horretan jaso dute abisua larrialdi zerbitzuek, eta Laudioko eta Iruña Okako suhiltzaileak bertaratu dira. Iritsi direnerako, ordea, guztiz kiskalita zegoen, eta gerora eraikinaren aurreko aldea eta teilatua eraitsi egin dira.
Sua itzali dute, baina Amenabarrek azaldu duenez, hozte lanetan aritu dira barrura sartu eta gorpuak erreskatatu ahal izateko. Ondoren, hiru hilotzak atera dituztela baieztatu du Eusko Jaurlaritzako Segurtasun Sailak.
Suhiltzaileak hondakinak ateratzen ari dira hirugarren pertsona hori aurkitu ahal izateko. Bilaketa lanak luzatzen ari dira, zutik gelditu diren lau hormak erortzeko arriskua handia delako. Orain arte atera ahal izan dituzten bi pertsonak lehen solairuan ari ziren lo egiten, baina eraitsi egin denez behean aurkitu dituzte.
Ramiro Gonzalez Arabako ahaldun nagusia eta Jon Eskuza Okondoko alkatea bertara joan dira, gertaturikoa bertatik bertara ikusteko.
Ahaldun nagusiaren esanetan, gertaturikoa "izugarria" da, eta orain urte asko izan zen Araban horrelako sute bat azkenengoz. Jon Eskuzak, bere aldetik, esan du herria "shock egoeran" dagoela gertaturikoagatik. Doluminak emateaz gain, beren babes osoa agertu diete bi agintariek senideei.
Josu Erkoreka Segurtasun sailburuak Eusko Legebiltzarraren sarreran kazetarien galderei erantzunez adierazi duenez, hiru pertsona bizi ziren baserrian, eta, ustez, hirurak zeuden barruan. Bi atera dituzte, "kiskalita", eta hirugarrenaren bila ari dira.
Sua zerk piztu duen galdetuta, oraindik argitzeke dagoela eta hori ikerketak argitu beharko duela erantzun du Erkorekak.
Suhiltzaileak ez ezik, ertzainak eta larrialdietarako zerbitzuak ere berturatu dira.
Albiste gehiago gizartea
Bilboko Udalak TAO ezarriko du Zorrotzaurren
Uhartea San Inaziorekin lotzen duen zubia ireki ondoren, aparkatutako ibilgailu kopurua handitu da. Auzotarren kexari erantzuna emateko hartu da erabakia.
47 urteko gizon bat atxilotu dute emakume bat hil egin omen duelako, Zarautzen
Ertzaintzak ikertzen jarraitzen du, gertatutakoa argitu ahal izateko.
Autobus batek eta bi autok aurrez aurre jo dute Gasteizen, eta hainbat lagun zauritu dira; horietako bat larri dago
Istripua izan duen autoetako bat Udaltzaingoarena da. Ezbeharra 13:45 aldera gertatu da, Araba kalean, EHUko unibertsitate-campusetik hurbil. Zirkulazioa etenda dago une honetan.
"Zer gertatu zen ikertzea eta egia ezagutzera ematea nahi dugu, dolua behingoz hasteko"
Aulestin, duela 5 urte, konfinamendu betean auto batek 11 urteko mutiko bat harrapatu eta hil egin zuen. Ordutik, gurasoak justizia bila aritu dira, baina istripu hutsa izan zela argudiatuz, ez da gidariaren aurkako epaiketarik egin. Ostiral honetan, bide zibiletik, epaileak estreinakoz izango du gertatutakoaren berri, umearen gurasoek eta gidariak esana.
Hizkuntza gutxituak biziberritzeko arnasguneek duten garrantzia aztertuko dute egunotan Azpeitian
Nazioarteko konferentzia gaur eta bihar egingo da Gipuzkoako udalerriko Soreasu antzokian.
Meñika: "Nazioarteko presioa beharrezkoa da, Israelen estrategia genozida amaitzeko"
Gernika-Palestina plataformak deituta, milaka herritarrek hartu dute parte, gaur arratsaldean, 150 udalerritan baino gehiagotan egin diren mobilizazioetan. Protesta zaratsuen bidez, Israel Palestinan egiten ari den genozidioa salatu dute. Igor Meñika Gernika-Palestina taldeko eledunaren arabera, su-etena indarrean egonda ere, Israelen estrategia genozida ez da amaitu.
Palestinaren aldeko burrunba ozen entzun da Euskal Herrian
Hiriburuetako manifestazio jendetsuen ostean, milaka herritar atera dira arratsaldean kalera, Gazarentzat justizia eskatzeko eta Israelen okupazioa salatzeko.
Sunbillako auto-istripuan larri zauritutako 82 urteko gizonezkoa hil egin da
Nafarroako Unibertsitate Ospitalean zendu da, gaur, gizonezkoa. Istripua N-121-A errepidean gertatu zen, Larrakaitzeko tunelean. Bi autok eta bi kamioik talka egin zuten.
Gato Basque pintxoa izan da Euskal Herriko Pintxo Txapelketaren irabazlea
Gipuzkoako Batzar Nagusiek "Ipuscua"ren mila urteak oroitu dituzte Altzon
Gipuzkoako Batzar Nagusiek lurraldearen lehen aipamen idatziaren mila urteak oroitu dituzte Altzon egindako osoko bilkura batean, Imanol Pradales lehendakaria buru zela. Lehendakariak gure arbasoek utzi diguten ondarea nabarmendu du bere hitzaldian.