Bi urte eta erdiko espetxe zigorra, adingabe bati sexuaren truke dirua eskaini zion gizon batentzat
Gipuzkoako Auzitegiak bi urte eta erdiko espetxe zigorra ezarri dio gizon bati, Donostian hamaika urteko neskato bati dirua eskaini izanagatik, "muxu edo besarkada baten truke, edo sexuaren truke".
Epaiak adingabeen galbideratze delitua egotzi dio akusatuari. Kartzela zigorraz gain, biktimari hurbiltzea zein harekin hitz egitea debekatu diote, bost urtez. Era berean, bost urteko zaintzapeko askatasuna ezarri diote, espetxetik ateratzen denerako.
2019ko abuztuaren 18an gertatu zen. Biktimaren amak Donostiako harategi batera bidali zuen alaba, bertan familiaren hurbileko pertsona batek jaso behar baitzuen. Pertsona heldu hori, ordea, atzeratu egin zen, eta hurbileko okindegi batean sartu zen haurra, ordua galdetzera. Bertan lan egiten zuen auzipetuak, eta saltoki barrura igarotzera gonbidatu zuen.
Barruan zegoela, erruztatuak haurrari esan zion "bazirela bikotea zuten neskak, noizbehinka hurbiltzen zitzaizkionak, dirua behar zutenean", eta berak "ematen ziela". Gainera, adierazi zion "inoiz dirurik behar bazuen" beregana jotzeko, eta "muxu edo besarkada baten truke edo sexuaren truke" emango ziola.
Kasuaren epaiaren arabera, epaiketan egindako proba nahikoa izan zen, "zalantzarik gabe", auzipetuak gertakari horiek egin zituela ondorioztatzeko.
Zentzu horretan, ebazpenak adierazten du adingabearen testigantzak "sinesgarritasun subjektiboa" eta "objektiboa" dituela, eta "leporatzean" egonkor mantendu dela. Hori dela eta, ebazpenak galbideratze delitu baten erantzuletzat jo du auzipetua.
Zure interesekoa izan daiteke
Naroa Iturri, Askabide Klinika: "Epaiketara iristea garaipen bat da guretzat"
Naroa Iturri Askabide klinikako arduradunetako batek adierazi duenez, beraiek nahi dutena da beren kliniken inguruan segurtasun perimetro bat legez ezartzea, lasai lan egin ahal izan dezaten.
Joxe Ramon Bengoetxea (EHU): "Gure politka bakarra unibertsitate politika da"
Bere hitzetan, azkenaldian tentsio gisa interpretatu diren gertakarien atzean dagoena da “bi elementuk denboran kointziditu” izana: “Bat, Jaurlaritzak egindako aurrekontuen proposamena, eta bestea, gu gure premien azterketa eta diagnosia bukatzen ari ginela. Bi gauza desberdin dira”, Bengoetxearen esanetan. “Jakina gure premien diagnosia egiten da gero horrek aurrekontuetan isla izateko asmoarekin, baina jabetzen ginen denborak eta epeak desberdinak direla”, gaineratu du.
Martxan da Gasteizko Askabide klinikaren aurrean protesta egin zuten 21 lagunen aurkako epaiketa
Zigor arloko 1 zenbakiko epaitegiak ahozko hiru saio ditu aurreikusita aste honetarako: astelehenean, asteartean eta ostegunean egingo dituzte saioak. Lehenengo egunean lekukoek hartu dute hitza.
Sei ibilgailu kiskali dira Gasteizko industria-pabiloi gune batean izandako sutearen ondorioz
Ezbeharra 06:00ak inguru jazo da, Miravalles kaleko pabilioi-gune batean. Ez da zauriturik izan. Ertzaintzak ikerketa abiatu du sutearen nondik norakoak argitzeko.
Boliviak azken agurra eman dio Xabier Azkargortari
Senideek, zaleek eta 94ko selekzioko jokalariek omenaldi hunkigarria egin diote azpeitiar entrenatzaile ohiari.
Osakidetzak 45 urtera aurreratuko du bularreko minbizia atzemateko baheketa, eta bere gain hartuko ditu egun pribatura bideratzen dituen abortuak
Osasun sailburuak iragarri duenez, progresiboki hasiko dira haurdunaldiaren borondatezko etenak egiten, "bi urteren buruan" beren gain hartzeko aurreikuspenarekin. Gainera, 2027rako, 45 urtera jaitsiko da bularreko minbizia atzemateko baheketen adina.
56 pertsona hil dira trafiko-istripuetan Hego Euskal Herrian urtea hasi zenetik
Bide Indarkeria STOP elkartearen ustez, datu "onartezinak" dira, eta, hori dela eta, premiazko neurriak, kontrol gehiago, zigor gogorragoak eta erakundeen bizkortasun handiagoa eskatu dituzte.
Trafiko-istripuetan hildakoak Bilbon oroitu dituzte senideek
Gaur, Trafiko Istripuen Biktimak Oroitzeko Munduko Eguna da. Biktimen familiak Bilbon bildu dira, horiek gogoratzeko. Bide-hezkuntza nahitaezko irakasgaia izatea eskatu dute berriro; izan ere, senideen esanetan, gure ardura da biktimen kopurua murriztea.
Maialen Mazonen hilketaren instrukzioa amaituta, 45 urteko espetxe-zigorra eskatu dute akusatuarentzat
Gasteizen zein euskal gizartean, oro har, hotzikara eragin zuen 2023an kasuak. Haurdun zegoela, 13 labankadaz hil zuen ustez bikotekide ohiak Maialen, 2 urteko alabaren aurrean. Laster aukeratuko da epaimahaia, eta, ondoren, epaiketa 2026ko lehen sehilekoan egiteko data ezarriko da. Kasuak ezbaian jarri zuen Ertzaintzaren indarkeria matxistaren inguruko protokoloa.
Donostia arrosa kolorez bete da Katxalin Martxa Solidarioaren XI. edizioan
Katxalinen XI. martxa arrosa egin dute Donostian, dirua biltzeko eta bularreko minbizia ikusarazteko. 4,5 kilometroko ibilbide solidarioa egin dute, Alderdi Ederretik abiatuta. Elkarteak nabarmendu du oso garrantzitsua dela ikertzen jarraitzea, emakume gazteen kasuek gora egin baitute.