Felix Zubia: "Izango da musukoa kentzeko garaia eta modua, baina pixkanaka eta neurtuta"
Osakidetzak ostegunean igorritako azken datuen arabera, Euskal Autonomia Erkidegoko ZIUetan 16 gaixo daude unean koronabirusagatik. Kanpoaldeetan musukoaren derrigortasuna kendu zenetik bi hilabete igaro diren honetan, Felix Zubia Donostia Ospitaleko Zaintza Intentsiboetako Unitateko buruak Euskadi Irratiko Osasun Etxea saioan azaldu du badirela bi aste ZIUetan ez dela koronabirus kasu berririk sartu.
Zubiaren hitzetan, paziente batzuk beste gaitzengatik hurbiltzen dira ospitalera, eta ondoren koronabirusa ere badutela ikusten dute, "baina ospitalean nahiko lasai gaude", oro har.
Musukoaren erabilerari buruz galdetuta, adierazi du ez zela intzidentziaren igoerarik espero kanpoaldeetan musukoa erabiltzeari utzi izanagatik. Izan ere, "bagenekien kanpoaldean musukoaren eragina oso mugatua zela, 20 aldiz arrisku gutxiago" suposatzen baitu. "Inauterien ondoren gorakada izan zen intzidentzian, baina ez ospitaleratzeetan, eta pixkanaka badoa dena bere tokira".
Edonola ere, Zubiak gogorarazi du aurrerantzean neurketak ez direla hain zehatzak izango eta "modu estimatuan" egingo direla.
Musukoaren erabilera barnealdeetan
Zubiaren arabera, pandemia itxuraz kontrolpean dagoen arren, "ikusi beharko dugu" nolako bilakaera izango duen intzidentziak. Gogorarazi du barnealdeetan musukoa erabiltzeari buruzko neurriak arindu dituzten "Europako herrialde dezentetan" kasuen gorakada izan dutela.
Azpimarratu duenez, "izango da musukoa kentzeko garaia eta modua" baina, betiere, "pixkanaka eta neurtuta".
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.