Kliniketara abortatzera doazen emakumeak jazartzea delitu da gaurtik
Haurdunaldia borondatez eteteko klinika batera doan emakume bat edo abortua praktikatzen duten profesionalak jazartzea delitua da ostegun honetatik aurrera, eta hiru hilabete eta urtebete arteko espetxealdiarekin edo komunitatearen aldeko lanekin zigortuko da.
Estatuko Aldizkari Ofizialean asteazkenean argitaratu den Zigor Kodearen erreformak "haurdunaldia borondatez eteteko eskubidea oztopatzea" eta emakume bat "bere askatasuna kaltetzen duten ekintza gogaikarri, iraingarri, larderiatsu edo hertsagarrien bidez" jazartzen duena zigortzea du xede.
Abortuak egiten dituzten osasun-profesionalei eta haurdunaldia eteteko gaitutako zentroetako zuzendarien kontrako jazarpena ere zigortzen du. Kliniken aurrean bildu ohi dira bizitzaren aldeko elkarteetako kideak.
Legearen arabera, zentro horien inguruan "ezinbestekoa da segurtasun-eremu bat bermatzea", emakumeen intimitatea, askatasuna eta segurtasun fisiko eta morala bermatzeko, bai eta haien sexu- eta ugalketa-eskubideak bermatzeko ere.
Jazarpena ikertzeko ez da beharrezkoa izango salaketarik, eta kasuaren larritasunaren arabera, halaber, sei hilabete eta hiru urte bitartean leku jakin batzuetara joateko debekua ezarri ahal izango dio auzitegiak kondenatuari.
Legeak nabarmentzen du Osasunaren Mundu Erakundearen gomendioak jarraitzen direla, izan ere, abortatzea erabakitzen duten emakumeen konfidentzialtasuna ziurtatzeko eskatu zuen OMEk. Haurdunaldia Eteteko Klinika Akreditatuen Espainiako Elkartearen 2018ko txosten bat ere jasotzen da, zeinak ohartarazten zuen milaka emakumek irainak eta mehatxuak jasan izan dituztela klinika horietara hurbildu direnean.
Talde parlamentario sozialistak bultzatutako araua joan den apirilaren 6an onartu zen Senatuan. PPk eta Voxek aurka bozkatu zuten.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.