"Agente infekzioso" bat egon liteke umeen artean atzemandako hepatitis kasu batzuen atzean
Duela egun gutxi haurren artean jatorri ezezaguneko hepatitis kasu larriak antzeman zirela jakitera eman ondotik, Gaixotasunen Prebentzio eta Kontrolerako Europako Zentroak (ECDC) "agente infekzioso" bat aipatu du gaixotasunaren kausa nagusitzat. Oraingoz, Espainian hepatitis arraro horren hiru kasu agertu dira, bat bera ere ez Euskadin eta Nafarroan.
"Oraingoz ez dakigu zein den haur horien hepatitisaren kausa zehatza", adierazi du ECDCk. Hala ere, erakundeak jakinarazi duenez, litekeena da arrazoia infekziosoa izatea, ikertzen ari diren kasuen ezaugarri kliniko eta epidemiologikoei erreparatuz gero". Era berean, ez dute baztertzen "balizko esposizio toxikoa". Gogoratu Erresuma Batuko haurretan atzeman dela, batez ere, gaitza.
Jakinarazi dutenez, ez dute loturarik topatu covid-19aren aurkako txertoarekin, eta elikagaien eta edarien inguruan galdeketa egin ostean ere, ez da guztiek komunean duten ezer narbarmenik identifikatu. "Ikerketa toxikologikoak abian dira, baina litekeena da etiologia infekziosoa izatea, koadro epidemiologikoa eta kasuen ezaugarri klinikoak kontuan hartuta", laburbildu du erakundeak.
Erantsi du ez direla agertu eritasuna eragiten duten ohiko birusak (A, B, C, D eta E hepatitisaren birusak). Sintomei dagokionez, berriz, sabeleko mina, gorakoa edo horitasuna dira nabarmentzekoak. Nahiz eta haur gehienek bilakaera ona izan duten, batzuek arreta behar izan dute haurren gibeleko unitate espezializatuetan, eta gutxi batzuei gibel transplantea egin behar izan zaie.
Osasun adituek eskuak maiz garbitzea, eztul egitean ukondoaren barnealdearekin estaltzea eta erabili eta botatzeko musuzapiak erabiltzea gomendatu dute prebentzio-neurri nagusi gisa.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.