Nafarroako Gobernuak eta Elizaren abusuen biktimek elkarlanerako hitzarmena sinatu dute
Justizia Departamentuak eta Elizaren Abusuen Biktimen Elkarteak elkarlanerako hitzarmena sinatu dute gaur, astelehena. Horren bidez, Foru Gobernuak urrats bat gehiago eman du biktimei babesa emateko.
Eduardo Santos Justizia eta Migrazio Politiken kontseilariak eta Jesus Zudaire elkartearen presidenteak sinatu dute hitzarmena Nafarroako Jauregian eta, horren bidez, Gobernuak "biktimei babesa emateko konpromisoari" eusten dio.
"Daukagun arazo honen historian mugarri da (akordioa), eta espero dugu horren bidez arazoetako asko konpontzeko moduan izatea, kaltea ordaintzeko oinarria jarri, justizia izan eta Elizan gardentasuna egotea, orain arte iluna izan baita", esan du Zudairek.
Santos kontseilaria Elizak Gobernuarekin duen harremanaz mintzatu da: "Beti mantendu izan dugu komunikazioa Eliza Katolikoarekin, eta beti helarazi izan diegu zein den gure iritzia. Uste dugu jarrera positiboa dagoela zentzu horretan. Giza eskubideen urraketa argiez ari gara, eta konpontzea ezinbestekoa da".
Santosek, halaber, Foru Erkidegoan garatzen ari den Elizen biktimei babesa emateko lege proposamena ere izan du hizpide: "Talde parlamentarioen babesa behar dugu, haien artean hitz egiten ari dira. Uste dugu Administrazio Publikoak esku hartu behar duela, eta dagoeneko horretan ari da".
Kontseilariaren ustean, "urrats bat eman eta batzorde bat eratu beharko litzateke, biktima bakoitzari aitortza modu argian egiteko". "Elizak gertatutakoa argitzen lagundu dezake", erantsi du.
Amaia Alvarez: "Ez dut uste Nafarroako Elizak ikerketan lagunduko duenik"
Amaia Alvarez historialaria Nafarroako Elizaren abusuak bildu dituen txostenaren egileetako bat da, eta, bitimak legez aitortuko dituen legearen tramitazioaren atarian, ez du uste hainbat urtez izandako gehiegikeriak argitzeko ikerketan "Nafarroako Elizak lagunduko duenik".
Euskadi Irratiko 'Faktoria' saioak egindako elkarrizketa batean Alvarezek esan duenez, unibertsitateak 2021ean abiatu zuen lehen ikerketa, Elizaren biktimak identifikatzeko, eta duela bil hilabete inguru aurkeztu zuten. Lan hori "oinarria izan da haritik tira egiteko eta orain legea garatzeko".
Zure interesekoa izan daiteke
Bilboko Aste Nagusian galdu ezin diren 5 ekitaldi
Bost plan proposatzen dizkizugu Bilboko Aste Nagusiaz gozatzeko. Galdu ezin dituzun ekitaldiak dira: pregoia eta jaien hasierako txupinaren jaurtiketa, txosnak, lehiaketa gastronomikoak edo balearen ohiko desfilea
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.