15 urteko espetxe zigorra eskatu dute, genero larrigarriarekin, bikotekidea hiltzen saiatu zen gizon batentzat
Fiskaltzak ia 15 urteko espetxe zigorra eskatu du gizon batentzat, hilketa saiakera egotzita, genero larrigarriarekin. Izan ere, 2020ko azaroan bikotekidea labankadaz hiltzen saiatu zen Donostiako pentsio batean, eta larri zauritu zuen zain jugularrean.
Fiskaltzaren behin-behineko akusazio idatziaren arabera, astelehen honetan Gipuzkoako Auzitegiko Hirugarren Atalean epaituko dituzten gertaerak duela bi urte izan ziren, azaroaren 24an.
Erasoaren ondorioz, emakumeak hamar zentimetroko ebakia jasan zuen lepoko eskuin aldean, "maila sakonean" eragin ziona. Gainera, bi zentimetroko azaleko ebaki bat ere jaso zuen, lepoko ezker aldean.
Fiskaltzak nabarmendu duenez, zauririk larrienak "laguntza medikoa behar izan zuen, larruazalpeko ehun zelularrari eragin baitzion, baita eskuin aldeko kanpoko zain jugularrari eta gihar esternokleidomastoideoari ere.
Testuak dio jazoeraren ondorioz "estres postraumatikoa" pairatu zuela emakumeak, askotariko ondorio fisikoez gain.
Gertakariok hilketa saiakera delitua suposatzen dute fiskaltzaren arabera, genero larrigarriarekin. Hamalau urte eta hamaika hilabeteko kartzela zigorra eskatu du orain akusatuarentzat, eta hogei urtez biktimari hurbiltzeko zein harekin komunikatzeko debekua.
Era berean, 56.620 euroko konpentsazioa eskatu du emakumearentzat zauriengatik, ebakuntzan gain hartutako arriskuagatik, jasandako ondorioengatik eta kalte moralengatik; eta, kartzelatik aterata, zortzi urteko zaintzapeko askatasuna.
Zure interesekoa izan daiteke
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.
Amaya Zabarteren senarrak uste du Zupiriak ez duela auziari buruz "ezer argitara emango"
Bestalde, jakinarazi du Reala-PSG partidaren atarian Ertzaintzak egindako kargekin lotuta, hirugarren salaketa bat aurkeztuko duela beste pertsona batek.
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.
Terapiako txakurrek "segurtasuna eta konfiantza" ematen diete sexu-abusuak jasan dituzten adingabeei
Hamar urte dira Bizkaian sexu-abusuen biktima izan diren adingabeek txakurrekin terapia egiteko aukera daukatela. Urtetik urtera, gainera, emaitza hobeak ematen dituela diote adituek. Hala, Euskadin lehen aldiz, epaile batek baimendu du biktima adingabe batek txakur horietako bat alboan zuela deklaratu ahal izatea.
Gizon bat atxilotu dute Angelun bikotekide ohia hiltzen saiatzeagatik
Atxilotuak igandean harrapatu zituen bere ibilgailuarekin emakumea eta haren anaia. Biktimak Baionako ospitalera eraman zituzten.
Ertzaintzak protokoloa bete zuen ikertzeko eskatu du Xuhar Pazosen defentsak
Halaber, lekuko gehiago deitzea galdegin du defentsak, 2024ko otsailean Tolosan izandako gertakarietan gertatutakoa behar bezala argitu dadin.
Plentzian jazarpena salatu duen irakaslearen kasua dela eta, protokoloak aktibatu berri ditu Hezkuntza Sailak
Eusko Jaurlaritzako Hezkuntza Politiketako sailburuordeak adierazi duenez, orain arte ikastetxeak berak kudeatu ditu irakasleak aurreko urteetan ere salatutako jazarpen egoerak. Azken gertakarietan ustez inplikatuta dauden ikasleak 12 eta 13 urte bitartekoak direla baieztatu du, eta, beraz, hartu beharreko neurriek "heziketa mailakoak" izan behar dutela. EH Bilduk azalpenak eskatuko dizkio Hezkuntza Sailari, "hartu beharreko mekanismoek" huts egin ote duten jakiteko.
Gidari bat hil da N-104 errepidean, Gasteizen, bi ibilgailuk aurrez aurre talka eginda
Eguna bereziki zaila izaten ari da EAEko errepideetan, euria eta hainbat lekutan izandako istripuak direla eta.