Gizon bat atxilotu dute Elorrion, 205.000 euroko iruzurra egiteagatik Lanbiden
Ertzaintzak gizon bat atxilotu zuen ostiralean Elorrion, iruzurra egitea, dokumentuak faltsutzea eta identitatea usurpatzea leporatuta, eta bikotekidea ere ikertzen ari dira delitu horietan nahastuta dagoelakoan.
Eusko Jaurlaritzako Segurtasun Sailak jakitera eman duenez, gutxienez orain dela 10 urtetik ari zen iruzurra egiten, eta, guztira, 205.000 euro eskuratu ditu modu honetan. Horretarako, pasaporte ezberdinak erabiltzen zituen eta laguntzak bikoiztuta jasotzen zituen.
Ikerketa aurtengo martxoaren amaieran hasi zuten, Lanbide Euskal Enplegu Zerbitzutik Ertzaintzari abisu eman ziotenean, ustezko iruzur-kasu bat argitzeko. Lanbideren susmoen arabera, partikular bat ustez identitate ezberdinak erabiltzen ari zen gizarte-laguntzak jasotzeko.
Sestaoko komisariak jarri zuen ikerketa abian, Bizkaiko Udaltzaingoarekin lankidetzan, Espainiako Poliziarekin, Bizkaiko hainbat udalekin, Foru Aldundiarekin eta Eusko Jaurlaritzako Hezkuntza eta Etxebizitza sailekin elkarlanean.
Ikerketan ondorioztatu zutenez, 47 urteko gizona gutxienez 2012tik ari zen iruzur egiten, identitatea usurpatzen eta agiriak faltsutzen Diru-sarrerak Bermatzeko Errenta (DSBE) eta Etxebizitzarako Prestazio Osagarria (EPO) jasotzeko, ez zegokionean; eta, gainera, pasaporte ezberdinak erabiliz, bikoiztuta jasotzen zituen dirulaguntzak.
Atxilotuaren bikotekidea, 48 urteko emakumea, ere ikertzen ari dira inplikatuta egon delakoan. Ertzaintzaren arabera, bazekien iruzurra gertatzen ari zela eta, gainera, laguntza horietako batzuk berak jaso zituen, zuzenean.
Durangoko Guardiako Epaitegiaren esku jarri zuten atxilotua ostiral arratsaldean baina ez da ezagutzera eman zer erabaki hartu zuen epaileak.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.