Araba, Gipuzkoa eta Bizkaiko elikagai-bankuek gaur ekingo diote Udaberriko Bilketari
Araba, Gipuzkoa eta Bizkaiko elikagai-bankuek Udaberriko Bilketa egingo dute aste honetan, maiatzaren 2tik 7ra, Eroski eta BM supermerkatu-kateetan. Antolatzaileek adierazi dutenez, aurtengo kanpaina "oso beharrezkoa" da krisiaren eta inflazioaren ondorioz familia ahulenen egoera arintzeko eta errefuxiatu ukrainarrak artatzeko.
Erakunde horien arabera, gaurtik ostegunera elikagai-bonuaren bidez egingo da bilketa, boluntariorik gabe; ostiralean eta larunbatean, aldiz, bilketa fisikoa egingo da supermerkatuetan, bezeroek Elikagaien Bankuari eman nahi dizkioten produktuak jasoko dituzten boluntarioen laguntzarekin.
Pandemia dela medio, bilketa fisiko hau ezin izan da egin azken kanpainetan, baina, osasun-egoerak hobera eginda, jendeak nahiago duten aurrez aurreko sistema erabili ahalko dute oraingoan.
Bizkaiko Elikagaien Bankuaren esanetan, "krisi ekonomikoak eta inflazioak jende askoren baldintza soziekonomikoetan izan duten eraginaren ondorioz, beharrezkoa da kanpaina hau behar gehien dutenei laguntzen jarraitu ahal izateko. Gainera, egunetik egunera hazten doan eta laguntza behar duten pertsonen kopuru horri 200 errefuxiatu ukrainar baino gehiago gehitu zaizkie".
Carlos Martínez Gipuzkoako Elikagaien Bankuko presidenteordeak ere azpimarratu du eskaria nabarmen handitu dela urtea hasi zenetik. Gipuzkoan, apirilaren amaieran abenduan baino 800 pertsonak baino gehiagok behar zuten laguntza, eta horien "erdia inguru" Ukrainatik etorritako familiak lirateke.
Elikagai-bankuek gizartearen erantzun "bikaina" espero dute oraingoan ere, beste kanpaina batzuetan gertatu den bezala.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.