Herri Urrats bueltan da inoiz baino indartsuago
Herri Urrats bueltan da berriro. Datorren igandean, maiatzak 8, Senpereko (Lapurdi) lakuan jende andana elkartuko da hezkuntzaren eta euskararen alde egiteko. Itzulera da, hain zuzen ere, 39. edizio honen leloa. Pandemiaren eraginez bi urtez ezohiko urratsak eman dituzte; aurten, baina, eraberriturik ekin die Seaskak igandeko zita antolatzeko lanei.
Ez da ekitaldirik gabeko txokorik izango, eta zazpi gunetan banatu dute lakuko buelta guztia. Zehazki, lau gune nagusitan izango dira emanaldiak: Nafarroa, Araba, Gipuzkoa eta Lapurdi guneetan.
Nafarroa guneko eszenatokia Lizeoko ikaslez osatutako Laparrak taldeak inauguratuko du goizean. Gero, Aho zakil Konekxion eta Aguxtin Alkhaten txanda izango da. Eguerditik aurrera, hainbat musika talde izango dira bertan: Skakeitan taldeak bere birari emango dio hasiera Herri Urratsen (14:00); Des-kontrol izango da ostean, bere 25. urteurrena ospatzeko aitzakiarekin (15:45); Willis Drummond ere bertan izango da (17:30); eta Dupla bikoteak itxiko du eguna Nafarroa guneko azken kontzertuarekin (19:00).
Araba txokoan, musikak eta erromeriak poztuko dute eguna. Talde hauek arituko dira bertan egunean zehar emanaldiak eskaintzen: Pauline eta Juliette, Mutxikoak, Kilimak, Albosax, Xiberoots, Astobaba eta Trikidantz erromeria taldea. Kontzertuak 10:00etan hasi eta 20:00etan amaituko dira.
Gipuzkoa gunearen berezitasuna dantza izango da. Estitxu Robles kolegioko gazteek emango diote hasiera egunari. Ondoren, Kautere balet, Herri Urrats Kantuz, Wazza Panda Family eta Topa Nokaren txanda izango da. Dantza erakustaldiekin amaituz, Kimua Dantza Kolektiboak GenEroa lana aurkeztuko dute. Dantzaz gain, Tristan Murgi abeslariak eta ZEZE taldeak emango diote bukaera Gipuzkoa guneko programazioari.
Goiz aldean, Lapurdi gunean Artxeroak eta hainbat bertsolari arituko dira Herri Urrats girotzen. Eguerdi aldean, bazkaria alaituko dute Natek eta Watsonek.
Bosgarren kolegioa irekitzeko asmoz
Ipar Euskal Herriko ikastolen federazioak bere ikasleak omendu nahi ditu aurten, azken ikasturteak zailak izan baitira. Horrela, Herri Urratsek helburu "ekonomiko" zein "sozialak" lortzea du asmo, Ihintza Bidart koordinatzailearen arabera: "Euskararen eta ikastolen festa ospatzeko beharra dugu. Behar den bezala itzultzeko, elkartzeko".
Azken urteetako ikasle kopuruaren hazkundea tarteko, aurtengo edizioaren irabaziak Senperen bertan bosgarren kolegio bat irekitzeko baliatuko dituzte. 11 eta 14 urte arteko 250 ikasle inguru izango ditu, eta 2023rako irekitzea espero dute. Seaskaren ekimenez, 38 ikastola, lau kolegio eta lizeo bat ireki dituzte jada.
Aldarrikapenak egiteko tarterik ere egongo da, Seaskako zuzendari Peio Jorajuriak azaldu duenez: "Erakutsi nahi dugu milaka garela euskara ospatzen eta euskaraz bizi nahi dugunak, eta, horretarako, neurriak nahi ditugunak". Azken urteetan, azterketak euskaraz egiteko eskubidearen aldeko aldarriak entzute handia jaso du.
Aurtengo abestia
Herri Urrats ez litzateke berbera izango abestirik gabe. Aurten, ZETAK taldea eta Erramun Martikorena elkarlanean aritu dira "Itzulera" abestia sortzeko. Pello Reparazen esanetan, abestiak "sekretu bat" badu, Martikorenaren "ausardia" da: "Bera moldatu zen ZETAKen unibertsora; berak du meritua".
Zetak eta Erramun Martikorena, 2022ko Herri Urratseko bideokliparen protagonistak
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.