Martin eta Nahia, Nafarroan 2021ean jaio ziren haurren izenik ohikoenak
Martin eta Nahia dira Nafarroan 2021ean gehien jarri ziren izenak, ostiral honetan Nafarroako Estatistika Erakundeak argitaratu duen jaiotzen estatistikaren arabera. Aurreko urtean 5.059 ume jaio ziren Foru Erkidegoan: 2.454 neska eta 2.605 mutil.
Mutilen artean, Martin izan zen jaioberriei gehien jarritakoa, 47 mutili jarri baitzieten; zerrendan hurrengo postuetan, Mateo (46) eta Julen (37) daude. Neskei dagokienez, Nahia 37 umeri jarri zieten, eta Ane eta Irati asko erabili ziren, 36 aldiz jarri baitzuten bakoitza.
Nafarroa 2000 zonifikazioaren arabera, Ipar-mendebaldean Laia eta Aiur izan ziren gehien erabili ziren izenak, eta Pirinioaldean eta Estellerrian Ane eta Diego, eta June eta Oier, hurrenez hurren. Iruñean, nesken artean Nahia nagusitu zen eta mutilen artean Mateo. Ainara eta Aiur izan ziren Nafarroako Erdialdeko Ekialdean gehien jarri zirenak, eta hegoaldeari dagokionez, Claudia eta Javier nagusitu ziren Erribera Garaian eta Lucia eta Leo Tuteran.
Aurreko urteetan erregistratutako izenekin alderatuta, June eta Lara sartu ziren gehien erabilitako hamar neska izenen artean, eta mutilei dagokienez, Hugo, Enzo, Javier eta Markel. Aitzitik, lehen hamar posizioetatik desagertu ziren Valeria, Maria, Aimar eta Ibai.
Bestalde, neska jaioberrien artean 997 izen ikus daitezke, eta mutil jaioberrien artean, berriz, 949. 2021. urtean, 1.946 izen erregistratu ziren, eta horien % 31,5 izen konposatuak izan ziren.
Gurasoen jatorriari dagokionez, espainiar nazionalitatea zuten gurasoen artean Martin eta Ane nagusitu ziren. Gurasoetako bat Espainiako Estatukoa eta bestea atzerritarra zenean, Diego eta Nahia gailendu ziren. Bi gurasoak atzerritarrak zirenean, berriz, Mohamed eta Sara. Atzerriko familiek, nagusiki, izen konposatuak jarri zituzten.
Halaber, gurasoen artean Maria eta Javier izenak dira nagusi, eta gero eta handiagoa da amaren deitura lehen tokian duten neska-mutilen kopurua.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.