2022ko Itzulia Women lasterketak eragina izango du errepideetan
Itzulia Women lasterketaren lehen edizioa maiatzaren 13 abiatuko da Gasteiztik, eta Araban, Bizkaian eta Gipuzkoan zehar ibiliko da. Hiru egunez pedalei eragin ostean, Itzulia Donostian amaituko dute parte-hartzaileek, hilaren 15ean. Lasterketak erabiliko dituen errepideetan eragina izango duela adierazi du Segurtasun Sailak; aldaketa handienak azken etapan (Donostia-Donostia) izatea espero da.
Eusko Jaurlaritzak koordinatuko du laguntzeko eta segurtasuna bermatzeko dispositiboa, eta Ertzaintzako agenteek eta lasterketak zeharkatuko dituen udalerrietako udaltzaingoek parte hartuko dute bertan.
2022ko Itzulia Women lasterketak errepideetan eragingo dituen aldaketak hauek izango dira:
Ostirala, maiatzak 13. Lehen etapa: Gasteiz – Bastida
Etaparen kilometroak orotara: 105,9 km.
Lasterketak ez du eragin handirik izango trafikoan.
Larunbata, maiatzak 14. Bigarren etapa: Mallabia-Mallabia
Etaparen kilometroak orotara: 118,3 km.
Eragin puntuala N-634 errepidean: Areitio eta Durango artean (10:00-10:30) eta Eibar eta Ermua artean (13:00-13:10).
Igantea, maiatzak 15. Hirugarren etapa: Donostia-Donostia
Etaparen kilometroak orotara: 139,8 km.
Trafiko aldaketak egongo dira Donostiako sarbideetan, Tolosa Hiribidean eta Añorgan, GI-20 errepidean, 09:00etatik 09:30era.
Eragin puntuala N-634 errepidean, Txikierdi bidegurutzearen eta Orio artean, 09:20 aldera eta 11:00etan.
Eragin puntuala GI-636 errepidean, Errenterian, 11:10 aldera eta 13:00etan.
Eragin puntuala N-638 errepidean, aireporturako sarreran, baita GI-636 errepidean ere, Irungo sarreran, 11:45etik 12:30era.
Segurtasun Sailak gomendatu du errepideen egoera kontsultatzeko 011 telefono-zenbakian, www.trafikoa.euskadi.eus webgunean, @TrafikoaEJGV Twiterreko kontuan edo TrafikoaEJGV aplikazioan.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.