Barnahus eredua Euskadin garatzeko ardura duen talde eragileak bilera egin du Gasteizen
Euskal Autonomia Erkidegoan Barnahus eredua garatzeko ardura duen talde eragileak bere bosgarren bilera egin du gaur goizean. Halaber, zerbitzua kokatuko den Gasteizko etxean egin duten lehendabizikoa izan da. Barnahus delakoa (haurren etxea, islandieraz) sexu abusuak jasan dituzten adin txikikoei arreta integrala eskaintzea dien metodoa da.
Espazio berri horrek ahalbidetuko du, besteak beste, toki berean egotea haurren sexu-abusu kasu batean inplikatutako zerbitzu eta agente guztiak.
Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak, Ramiro Gonzalez Arabako ahaldun nagusiak eta Gorka Urtaran Gasteizko alkateak parte hartu dute gaurko hitzorduan.
Talde eragilea 2021. urte amaieratik lanean ari da Islandiako eredua Euskadiko errealitatera egokitzeko eta inplikatutako sistemen koordinazioa bermatzeko protokoloak egiteko.
Sailburuak azaldu duenez, Gasteizko gune berria egokitzen ari dira. Bizitegi-gune batean kokatuko da, ondo konektatutako toki batean, eta pertsona guztientzat irisgarria izango da. Gaineratu duenez, "dekorazio egokia izango du profil edo adin desberdinetara egokitu ahal izateko, eta haurren biktimologian espezializatutako profesionalak izango ditu".
Horri esker, Artolazabalen ustez, "biktimei eta horien familiei arreta integrala eskaini ahalko zaie, eta, adin txikikoak behin bakarrik kontatuko du gertaturikoa, berriz biktimizatzea saihesteko.
Sexu-indarkeriari buruzko datuak Euskadin
Nazioarteko azterlan batzuen arabera, litekeena da adin txikikoen % 10-20 inguruk sexu-indarkeria jasan izana. Beatriz Artolazabalen hitzetan, Euskadin 2000-4.000 adingabe lirateke.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.