Gizon bat atxilotu dute Ortuellan, emakume bati sexu erasoa egiteagatik
Gizonezko bat atxilotu dute azken orduetan Ortuellan, emakume bati sexu erasoa egitea leporatuta. Herriko jaiak ospatzen ari dira egunotan Ortuellan eta festagunean gertatu da erasoa.
Eusko Jaurlaritzako Segurtasun Sailak jakitera eman duenez, 02:00ak aldera deia jaso dute 112 SOS Deiak zerbitzuan, emakume batek festagunean sexu erasoa jasan duela salatuz.
Bertara joandako agenteek biktimarekin kontaktatu eta gertatuaren berri izan bezain pronto, erasotzailea aurkitzeko bilaketa jarri dute abian, Udaltzaingoarekin batera. Festagunean bertan aurkitu dute ustezko erasotzailea, eta identifikatu ostean, atxilotu egin dute sexu erasoa leporatuta.
Komisarian dago une honetan eta epailearen aurrera eramango dute hurrengo orduetan.
Jendetza izan da arratsaldeko protestan
Txosnagunean bertan izan da protesta. EITB Mediaren bideo batetik hartutako irudia.
Ortuellako Udalak gaitzespen oharra kaleratu du eta elkarretaratzea deitu du 18:00etarako, Otxartaga plazan. Jendetza bildu da protestan, erasoagatik oso haserre daudela adierazteko eta biktimari babesa emateko.
"Ez dago eskubiderik, ezin da horrelakorik gertatzea onartu, ez hemen ez inon" esan du Saulo Nebreda herriko alkateak salatu duenez.
Txosnen Batzordetik oharra irakurri dute elkarretaratzean, erasoa salatuz eta jakinarazi dute txosnak ixtea erabaki dutela asteburu honetan, protesta gisa. Gainera, ez dute antolatuta zegoen ekitaldirik egingo. "Nazkatuta gaude, espazio hauek seguruak izan behar dute pertsona guztientzat, eta guztion ardura da hori bermatzea" aldarrikatu dute, biktimari babes sakonena adierazten zioten bitartean.
Eusko Jaurlaritzako Berdintasun, Justizia eta Gizarte Politiketako sailburu Beatriz Artolazabalek "eraso matxistak" amaitzea eskatu du sare sozialetan, eta Eusko Jaurlaritzaren elkartasuna eta babesa helarazi dizkio biktimari. Izaskun Landaida Emakundeko zuzendaria ere elkarretaratzean izan da.
Albiste gehiago gizartea
Beroari egotz dakizkiokeen 26 heriotza izan dira Euskadin abuztuan
Udan dagoeneko 65 heriotza zenbatu dira gehiegizko tenperaturarekin lotutako patologiengatik.
86 urteko gizon baten hilotza aurkitu dute Zumaiako itsasadarrean
Gorpua Donostiako Auzitegiko Medikuntzako Euskal Erakundera eraman dute autopsia egiteko.
Emakume bat hil da A-12 errepidean, Torres del Rion
Emakumearen ibilgailua bide bazterrean zegoen, eta kamioiak talka egin du haren aurka.
40 urteko gizon bat atxilotu dute Gasteizen, adingabe baten aurrean genitalak erakusteagatik
Bikote baten eta adingabe baten aurrean "bere alderdi intimoak erakusteagatik eta astintzeagatik" eta iruzkin lizunak egiteagatik atxilotu zuten.
EAEko berrogeita hamar suhiltzaile baino gehiago Gaztela eta Leonera joan dira, baso-suteak kontrolatzen laguntzeko
Zehazki, Gaztela eta Leongo Juntak Eusko Jaurlaritzari laguntza eskatu ondoren hartu da neurria. Hala, bat egin dute suteak itzaltzen laguntzeko berriki bidalitako helikopteroarekin.
Etxeko espetxealdia agindu dute Zizur Nagusian ustez emaztea hil zuen 85 urteko gizonarentzat
Auzitegiak ez du ihes-arriskurik ikusten, ezta frogak deuseztatzekoa ere, eta gainera ezagutza funtzioak kaltetuta dituela ebatzi du. Pultsera telematikoa jantzi beharko du, eta seme-alabek erabakiko dute zein etxetan biziko den.
Ia bi kilometroko auto-ilarak Txorierrin, Sondikatik Gurutzetara bidean, istripu baten ondorioz
Bestalde, A-15ean normaltasunera itzuli da zirkulazioa Hernanin. Aian, bi autok talka egin dute Zarautzerako noranzkoan, eta auto-ilarak daude. Zizurren, berriz, bost pertsona zauritu dira, tartean bi adingabe, goizaldean izandako istripu batean.
Faltzesko piloiko bigarren entzierroa, azkarra eta zirraragarria
Jose Maria Goñiren ganadutegia izan da protagonista Faltzesko bigarren entzierro honetan. Goizeko 09:00etan suizidia jotzearekin bat eman zaio hasiera etzierroari. Azkarra izan da, eta zauritu bat utzi du, anbulantzian ospitalera eraman dutena.
Juan Mari Aburto: "Txurdinagako eszenatokia prest zegoen eta Abandoibarrakoa ez, eta ez dut ikusten arrazoirik"
Bilboko alkatearen arabera, kontratatutako enpresak ez zuen bere lana bete, "denbora oso txarto kudeatu zuen", eta, ondorioz, lehen eguneko kontzertuak (Kai Nakai, Olatz Salvador eta Maren) bertan behera gelditu ziren Abandoibarran. Arazoak konponduta, igandeko kontzertuak normaltasunez eskaini ahal izan zituzten.
Hamaika lagun atxilotu dituzte igandean Bilboko Aste Nagusian, horietako bi indarkeria matxistagatik
Delitu gehienak San Nikolas inguruan eta Zazpikaleetan gertatu dira, eta lapurretekin eta desobedientziarekin lotuta zeuden.