Iruña-Veleia aztarnategi-eskola eta praktika-laborategia izatea nahi dute euskal erakundeek
Arabako Foru Aldundiak eta Eusko Jaurlaritzak Iruña Veleia hiri erromatarra aztarnategi-eskola eta praktika-laborategi bihurtu nahi dute datozen urteetan. Next Generation kultura funtsetatik "kopuru handi bat" proiektu honetara zuzentzea espero dute erakundeek.
"Iruña Veleia biziberritzeko eta garatzeko proiektua 2022-2025" planaren helburuak dira kultura ondarean ikerketa zientifikoa sustatzea, turismoan kalitatezko kultura eskaintzea eta gizarte balioa sortzea.
Proposamenak hiru denbora tarte ditu jomugan: epe laburrerakoa (2022 eta 2023ko zati baterako, finantzaketa kontsolidatuarekin), epe ertainerakoa (2025era arte, urtea amaitu baino lehen kontsolidatuko dena) eta, azkenik, epe luzerako planaren diseinua (2025-2035).
Halaber, proiektuak bost jarduera ardatz izango ditu. Lehenengoan, ikerketan, aztarnategiko ikerketa arkeologikoko lanei jarraipena egingo zaie. Bigarrenean, kontserbazioa deiturikoan, lehentasuna emango diote arkeologia egiturak kontserbatzeari eta zaharberritzeari, eta hirugarrenean, interpretazioan, bisitarientzako harrera zentro berria eraikiko da.
Laugarrenean, zabalkundea eta gizarte programa deiturikoan, helburua izango da aztarnategia jendarte guztiari ezagutaraztea, eta, horrela, Iruña-Veleia kalitatezko baliabide turistiko eta kultural garrantzitsu bihurtzea. Azkenik, bosgarren ardatzean, 2025-2035 ikerketa-proiektuaren plangintza izango da hizpide, eta horretan kultura ondareari buruzko ikerketa zientifikoko proiektu handi bat diseinatuko dute.
Ana del Val Kultura foru diputatuak gogorarazi du azken 12 urteetan 2,3 milioi euro inbertitu direla aztarnategian. Aurten, zati bat 2023an exekutatuko bada ere, 1,15 milioi euro inbertituko dira.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.