Lleidan, 2018an, elur-jausi batean hildako mendizale bergararra CSICeko langilea zela aitortu du Justiziak
Kataluniako Justizia Auzitegi Nagusiak (TSJC) ebatzi du 2018ko martxoaren 22an Val d'Aranen izan zen elur-jausian hil ziren bi pertsonak -horietako bat Unai Perez de Arenaza Bergarako bizilaguna- CSIC Ikerketa Zientifikoetarako Kontseilu Nagusiarentzako lanean ari zirela, kontraturik izan ez arren.
Lleidako epaitegi sozialak hildakoen eta Estatuko agentziaren arteko lan-harremana onartu zuen 2020ko abenduan kaleratutako epai batean baina CSICek helegitea jarri zion ebazpenari, biktimek mendiko gidari gisa lan egiten zutela eta espedizioan modu boluntarioan ari zirela argudiatuz. Kataluniako Auzitegi Nagusiak berretsi egin du, ordea, Lleidako auzitegiak esana eta lan-harremana zutela berretsi du. Estatuak orain, epaia onartu edo helegitea jar diezaioke Auzitegi Gorenean.
Kontuan izan behar da CSICeko hiru goi-kargu auzipetuta daudela istripuagatik eta epai honek eragina izan dezakeela prozesu horretan. Vielhako epaile batek (Lleida) CSIC Espainiako Zientzia Ikerketen Kontseilu Nagusiko presidentearen eta bi kargudunen aurkako ikerketa zabaldu zuen 2021ean, langileen segurtasunaren kontrako delitua leporatuta. Rosa Menendez CSICeko presidentea eta garai hartan lan arriskuen prebentzioaz eta giza baliabideen kudeaketaz arduratzen ziren kargudunak dira auzipetuak.
Elur-jausia Conangles bailaran
Ezbeharra 2018ko martxoaren 22an gertatu zen, Conangles haranean, elur-jausi batek harrapatu zituenean. Espainiako Gobernuaren Ingurumen Ministerioaren menpekoa den CSICeko proiektu baterako ur-laginak hartzera joan ziren Redon aintzirara, elausoak harrapatu eta 90 metroko harkaitz bertikal batetik behera bota zituenean.
Bi pertsona hil ziren istripuan: Unai Perez de Arenaza mendizale bergararra eta Gaspar Giner Abati Salmancako biologoa. Gainera, Roberto Sanchez ikertzaile lasartearra larri zauritu zen.
Unai Pérez de Arenaza, montañero de Bergara fallecido. Captura de imagen de un vídeo de EITB Media.
Ikerketa proiektuko zuzendariak hitzez errekrutatu zituen bi hildakoak, administrazio izapiderik eta inolako kontratazio eskaera formalik egin gabe.
Hori dela eta, Gizarte Segurantzak demanda bat aurkeztu zuen. Hildakoen senideak herri akusazio gisa aurkeztu ziren auzian, eta CSICeko goi-kargudunak inputatzea eskatu zuten, espedizioa prebentzio neurririk gabe egin zela iritzita. Bigarren epaia da oraingoa, lan-harreman aitortuz.
"Lana enpresak erabakitzen eta antolatzen duen moduan egiten da"
TSJCren epaiak dio hildakoek CSICekiko "dependentzia harremana" zutela, "ez zutelako inolako aukerarik lana euren ekimenez egiteko, enpresaren erabakien menpe zeuden". Ebazpenak dioenez, ezberdina litzateke, aintzirako laginak hartzea eskatu baliete eta eurek aukeratu balute "eguna eta modua", baina ez zen horrela izan.
Justizia Auzitegiak gogorarazten du "lana enpresak erabakitzen eta antolatzen duen moduan egiten dela, eta bere instalazioetan hasten dela". Gaineratzen du zientzialariek, "mendian zeuden baldintza gogorren aurrean, euren ezagutza eta esfortzu gaitasuna" besterik ez zutela jarri, "azpiegitura edo antolakuntzarik gabe".
Auzitegiaren iritziz, "argi dago hasieratik" hildakoek egingo duten lanaren emaitza "enpresak bakarrik erabiliko duela, eta enpresa dela onuradun bakarra". Gainera, espedizioko kideek CSICeko materiala erabili zuten.
Ebazpenak nabarmentzen du "bi langileak mendizale adituak zirela eta ez zirela ari mendiko gida lanetan, ikerketa egiteko beharrezkoa zen materiala eramaten baizik, inguruarekiko zuten ezagutza baliatuz".
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".