Sare sozialak eta ETBko albistegiak erabiltzen dituzte Hego Euskal Herriko gazteek informatuta egoteko
Hego Euskal Herriko gazteek sare sozialak erabiltzen dituzte, batik bat, informatuta egoteko, eta bigarren aukera moduan telebista aukeratzen dute, ETB1 eta ETB2, hurrenez hurren. Hala ondorioztatu du Ikusiker Ikus-entzunezkoen Behategiak Euskal Autonomi Erkidegoko eta Nafarroako gazteen artean egindako ikerketa batek.
Ikus-entzunezkoen kontsumoa, ohiturak eta gustoko formatuak zeintzuk diren ezagutzeko asmoz, informatuta egoteko zer bide erabiltzen duten galdetu diete 11 eta 23 urte bitarteko ia 1.500 gazteri. Ikerketa proiektua Applika+ programaren parte da, EHUk, EITBk, Tabakalerak eta Kulturaren Euskal Behatokiak sustaturikoa.
Ikerketaren arabera, Bigarren Hezkuntzako gazteen artean Instagram sare soziala da nagusi, eta, atzetik dago TikTok. Unibertsitateko ikasleen kasuan, baina, emaitza bestelakoa da; izan ere, Twitter eta Instagram dira aukeratzen dituztenak, hurrenez hurren.
Zein bide erabiltzen dute Hego Euskal Herriko gazteek informatuta egoteko?
Telebista erabiltzen dute gazteek informazioa eskuratzeko bigarrem aukera gisa. Hala, EITB da nagusi ikasleen artean. Gehiengoak ETB2 aukeratzen du, baina asko dira ETB1 hautatzen dutenak ere.
Eremu geografikoaren arabera, iturri desberdinak erabitzen dituzte, ikerketak nabarmendu duenez. Hala, norberaren auzo, herri edo hiriko berriak (tokikoak) unibertsitateko ikasleek egunkarietan eta aldizkari lokaletan jasotzen dituzte. Bigarren Hezkuntzakoen artean, baina, sare sozialak dira jaun eta jabe honetan ere, eta atzetik, telebista.
EAEn gertatzen denaz informatzeko, berriz, telebista erabiltzen dute bai Bigarren Hezkuntzako ikasleek zein unibertsitatekoek. Gauza bera gertatzen da Espainiako albisteen berri izateko. Nazioarteko albisteei dagokionez, berriz, Bigarren Hezkuntzakoek telebista aukeratzen dute, eta, aldiz, unibertsitateko ikasleek, sare sozialak.
Ukrainako gerraz galdetuta, gaiak interesa pizten diela baina, oro har, gutxi jarraitzen dituztela bertako albisteak aitortu dute. Sare sozialak erabiltzen dituzte horretarako, ia kasu guztietan.
Zure interesekoa izan daiteke
El Bocaleko pasagunearen erorketa gertatu aurretik, Poliziak 112ra deitzeko protokolorik zuen ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro berri bat zabaldu du materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.