Behin-behineko irakasleak bermatzeko "borondate falta" ezkutatu nahi izana egotzi dio ELAk Jaurlaritzari
ELA sindikatuak salatu duenez, Eusko Jaurlaritzaren eta Steilas, LAB, CCOO eta UGT sindikatuen arteko negoziazio-mahaian ostegun honetan sinatutako akordioak 13.000 behin-behineko irakasle bermatzeko Hezkuntza Sailaren "borondate falta" ezkutatzea eta "arreta gaiarengandik desbideratzea" ditu helburu.
Adierazpen batean, ELAk nabarmendu du agiriak ez duela zehazten edukiek euskal eskoletan izan dezaketen "eragin erreala zein den". Hala, adierazi du sinatutakoaren ondorio zehatzak ezagutzeko "hausnarketa eta analisi sakonago bat" beharrezkoak direla.
Sindikatuaren aburuz, ratioei dagokienez "agerikoa da" Haur Hezkuntzan eta Bigarren Hezkuntzan ez dagoela "inolako hobekuntzarik", eta gainerako mailetan "ratioen murrizketa minimoa" dela.
Era berean, "bereziki kezkagarri" jo du gehienezko ratioak aplikatzeko politika "ez mugatzea". Hortaz, uste izan du litekeena dela Hezkuntza Sailak "gehienezko ratioak baimendutako maximoarekin gela bakoitzeko ikasle talde bakarra osatzen jarraitzea, bi talde eratu badaitezke ere". Ondorioz, "gela batzuk maximoetan egongo dira beti".
Bukatzeko, ELAk iragarri du mobilizazioak sustatzen jarraituko duela, aldi baterako 13.000 irakasle bermatzeko. Zentzu horretan, datorren astelehenean, 17:30etan, elkarretaratzeak izango dira Donostiako eta Bilboko Hezkuntza delegazioen aurrean.
LABek dio ratioen murrizketak arreta hobetuko duela
LAB sindikatuak, bestalde, nabarmendu du akordioan jasotako ikasleria/gela ratioen murrizketak eta ikasleria/irakasle ratioen ezarpenak "irakasleriaren lan-kargak doitzea eta ikasleenganako arreta hobetzea" baimenduko dutela.
Ohar batean, LABek adierazi du akordioak "unekoak baino baldintza hobeetan" kokatzen duela Euskal Eskola Publikoa. Gainera, azpimarratu duenez, "funtzionamendu sailekin lotutako lanpostuak egiturazko bilakatzeko aukera ematen du".
Era berean, nabarmendu du, "eskoletan formakuntza eta berrikuntza proiektuak koordinatuko dituzten langileen eransketak sindikatuarentzako lau oinarrizko gakoak azpimarratzeko bidea irekiko du: eraldaketa pedagogikoa, hezkidetza, euskararen normalizazioa eta inklusioa".
"Gaurko aurrerapauso hau etorriko direnen artean lehena izatea" espero du sindikatuak, eta baietsi du badela garaia "lan-baldintzak zein irakasleriaren lizentziak eta baimenak arautzen dituen akordioan ere pausoak emateko".
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.