"Hezkuntzarentzat egun ona" dela esan du Bildarratzek, sindikatuekin akordioa lortu ondoren
Jokin Bildarratz Eusko Jaurlaritzako Hezkuntza sailburua pozik agertu da ostegun honetan Irakasle funtzionarioen negoziazio-mahaian dauden sindikatuekin lortutako akordioarekin. Steilas, LAB, CCOO eta UGT sindikatuekin batera itxi du negoziazioa Hezkuntza Sailak, funtzionarioen "% 80 baino gehiago ordezkatzen dutenak". Baietsi duenez, bere Sailak "elkarrizketa eskema horrekin" lanean jarraituko du. "Egun ona da gaurkoa hezkuntzarentzat", adierazi du.
Bilbon hedabideen aurrean egindako adierazpenetan, sailburuak urte eta erdian zehar egindako lan "ona" eskertu die bere lantaldeari zein sindikatuei. Nabarmendu duenez, "% 80 baino gehiago ordezkatzen dute" negoziazio-mahaian. Era berean, lan hori "guztiontzat izaten ari den hain emaitza pozgarria" azpimarratu du.
Ostegun honetan lortutako akordioak jasotzen dituen edukien artean, nabarmendu du "figura berria" sortu dela, "zentro publiko guztietan berrikuntzaz arduratuko den irakasle bat" eta, zentroaren tamainaren arabera, "ordu gehiago edo gutxiago" izango dituela.
Era berean, zentroetako ratioen aldaketa aipatu du, 2023-24 ikasturtetik aurrera aplikatuko den batezbestekoa, ikasturte bakoitietatik hasita eta hurrengo urteetan bikoitiekin jarraituz.
Sailburuak nabarmendu duenez, ingelesa hiru urtetik aurrera irakastea jasotzen du akordioak. Horrek, esan duenez, "kalitatea" sustatzen du eskola publikoko zentroetan. Gainera, "plantillak gehiago egonkortzeko" asmoa dutela gaineratu du, "zenbait egiturazko irakasle izatera igaroko direlarik".
Bildarratzek "elkarrizketaren" aldeko apustua azpimarratu du, "gure zentroei lasaitasuna helarazteko lan egiteko modu" gisa, "eta helarazteko hezkuntza dela gehien kezkatzen gaituena eta herrialde politika izan dadila, ez eztabaida edo tentsio politika". Zentzu horretan, adierazi du akordioak "lasaitasuna eta lanabesak" ematen dituela "gure gazteen onurarako".
Bestalde, sailburuak azaldu du akordio honek ez duela lan-baldintzarik aipatzen, "aurrerago" jorratzeko utzi dituztela eta "lanean" dihardutela.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.