Murillo: "Getxokoaren ondoren, Elorrio eta Leioako egoitzetan pixkanakako prozesu batekin hasiko gara"
Bizkaiko Foru Aldundiko Gizarte Ekintzako diputatu Sergio Murillok iragarri duenez, Getxoko adinekoen egoitzan eredua ezarri ondoren, orain Leioa eta Elorrioko zentroak bizikidetza-unitate bihurtzeko prozesuei ekingo diete. Hori bai, "pixkanaka" egingo dutela nabarmendu du.
Egoitzak bizikidetza-unitate bihurtzen ari dira Bizkaian. Getxoko Jesusen Bihotza egoitza izan da zentro osoa bizikidetza-unitate bihurtzeko prozesua amaitu duen Bizkaiko adinekoen lehen egoitza, eta handik egin diote, hain justu, Radio Euskadiko "Boulevard" saioan Murillori elkarrizketa.
Nabarmendu du adinekoen egoitza guztietan ezar daitekeen eredua dela. "Ikuspegia aldatzea da kontua. Ondo prestatutako profesionalen asistentzia indartsua izateaz gain, etxean bezala sentitzeko ideia hori bultzatu behar da", esan du.
Bizkaiko Foru Aldundiak 185 milioiko inbertsioa aurreikusi du 2023ra arte, zainketen trantsiziorako planean, egoitzetan zein etxean "eredu pertsonalizatuagoa" lortzeko. "Hori da etorkizuna", adierazi du Murillok: izan ere, horren arabera, "mendekotasunen bat izanda ere, denok etxean bizi nahi dugu, eta ez ospitale batean".
Nahiz eta egoitza batzuetan aldaketa horiek % 100ean egitea ezinezkoa izan, batez ere arkitekturari dagokionez, gainerako guztian uste du egokitzapena posible dela: "Etxera sartzeko txirrina jotzearena, gela pertsonalizatzearena, hau da, gustatzen zaiena oinarri hartuta pertsona horien eguna diseinatzearena", horretarako aukera badagoela uste du Murillok.
Gaineratu duenez, "pertsona bat egoitza batean sartzen denean, bizitzaren beste etapa bat hasten da, bai, baina gure biografiarekin jarraitzen dugu, eta hori txertatu behar dugu". Hobeto azaltzeko, Getxoko Jesusen Bihotzean bizi den Emiliaren adibidea jarri du: "Emiliari baratze bat jarri diogu bere gelan, hori baita lehen gustatzen zitzaiona".
EtxeTIC ereduari buruz galdetuta (eguneko zentro baten arreta eta teknologien bidez etxez etxeko arreta uztartzen dira, menpekotasun egoeran diren pertsonentzako), adierazi du oso harrera ona izaten ari dela. Hala, Bilboko Etxaniz zentroaren ostean, Zallan edo Basaurin ere obrak prestatzen ari direla adierazi du.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.