'Aita Mari' Mediterraneora abiatu da urteko bigarren misioan
Aita Mari erreskate ontzia ostiral honetan itsasoratu da Burrianako (Castello) portutik Mediterraneo erdialderantz, Itsas Salbamendu Humanitarioaren (SMH) gobernuz kanpoko erakundeak ohar batean jakitera eman duenez.
Aurreko misioa orain dela hiru hilabete izan zen. Otsailaren 22an, euskal ontzia Vinarozeko portura iritsi zen, eta amaitutzat eman zuen urteko lehen misioa.
Orduan, arrisku-egoeran zeuden 176 pertsona erreskatatzea lortu zuen, ondoz ondoko bi operaziotan (105+71); horien artean 116 gizon, 18 emakume eta 42 adingabe. Horrez gain, arriskuan zeuden 280 pertsona lagundu zituen.
Ordutik, konponketa- eta mantentze-lanetan ibili dira itsasontzian, erreskate-misio berri hau gauzatu ahal izateko.
Misio honek hiru berezitasun ditu, aurrekoetan ez bezala. Burrianatik abiatuta, Mallorcako kaian geldialdi bat egingo dute, larunbatean eta igandean ate irekien jardunaldiak eskaintzeko, Fons Mallorqui de Solidaritat i Cooperacioko erakundearekin lankidetzan.
Gainera, oraingo honetan, Aita Mari-k Alfredo Bikondoa artistaren 'Bikonbota' izeneko artelana eramango du.
2022an 800 hildako baino gehiago
SMH gobernuz kanpoko erakundearen arabera, 2022an 800 pertsona baino gehiago hil dira itsasoan, babes bila egindako ibilbidean. Heriotza gehien, hegoaldeko zeharkaldian izan dira, non jende gehien saiatzen da helmuga hobe batera iristen.
2011. urteaz geroztik, gerrek Mediterraneoan eragindako migrazio-fluxuaren maila mantendu egin da, eta Senegal edo Tunisia bezalako herrialdeetan, covid-19ak eragindako pandemiak arrazoi ekonomikoengatik irteera bat bilatzera behartu ditu pertsona asko, SMHk erantsi duenez.
Aste honetan bertan, Aegean Boat Reportek salatu du Greziako kostazainek 107 gizon, emakume eta haur (gehienak afganiarrak) zeramatzan txalupa bat atzeman dutela, suntsitu egin dutela, eta motorrik gabeko plastikozko baltsetan sartzera behartu ondoren, Turkiako uretan utzi dituztela. "Itzulketa horiek ez dira kasu isolatuak, askotan gertatzen dira eta Europak finantzatzen ditu", salatu du SMHk.
Azpimarratu duenez, "beldurgarriak dira" Libiatik igaro diren Aita Mari-k erreskatatutako pertsonen istorioak. Gobernuz kanpoko erakundearen hitzetan, torturak, bortxaketak, tiroak, espetxeratzeak eta pertsonen salmenta dira jasan behar izaten dutena, "beren herrialdetik alde egin nahi izatearen delitu bakarra izanda".
"Egoera hori Europar Batasunak sustatu zuen, duela 5 urte herrialde horrekin akordio bat sinatu baitzuen, 455 milioi euro ordainduta migrazio-fluxuak kontrolatzeko, eta beste 57 milioi mugak kudeatzeko. Hau da, migratzaileak edo errefuxiatuak Europara iristea eragozteko", kritikatu du.
2017ko azarotik ari da Aita Mari Mediterraneoan lanean, eta ordutik zazpi misio egin ditu; hau, zortzigarrena da eta 700 bizitza baino gehiago salbatu ditu.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.