San Bartolome eta Zubieta kaleetan trafiko aldaketak, Kontxako obren ondorioz
Donostiako San Bartolome eta Zubieta kaleetako noranzkoa aldatuko dute aste honetan, Kontxa inguruan egiten diren obren ondorioz. Trafikoaren noranzkoaren aldaketa gaur, astelehena, hasi eta ostiralean, ekainak 10, bukatuko da, baina Udalak esan duenez, aldaketak pixkanaka egingo dira eta, lanen erritmoaren arabera, datak aldatu daitezke.
Baimendutako ibilgailuak, garajea dutenak eta inguruko saltokietan beharrei erantzungo dietenak soilik sartu ahalko dira egun horietan.
Hona hemen trafikoaren aldaketek izango duten eragina inguruko kaleetan, Udalak azaldu duenaren arabera:
Ekainaren 6tik 7ra
San Bartolome kalea itxi egingo da, Marina eta Triunfo kaleen arteko errepide zatian. Marina kaletik baimendutako ibilgailuak bakarrik sartu ahal izango dira.
Triunfo kalea itxita egongo da, San Bartolome eta San Martin tartean, eta Triunfo kaletik baimendutako ibilgailuak bakarrik atera ahal izango dira.
Ekainaren 7tik 8ra
San Bartolome kalea itxi egingo da, San Martin eta Marina kaleen arteko errepide zatian. Marina kaletik baimendutako ibilgailuak bakarrik sartu ahal izango dira.
Lertsundi kalea itxi egingo da, San Bartolome eta San Martin artean. Lertsundi kaletik baimendutako ibilgailuak bakarrik atera ahal izango dira.
Egoera berria, ekainaren 8tik aurrera: aldaketa horien guztien ondorioz, San Bartolome kalearen noranzkoa aldatuta egongo da, bai eta San Bartolometik San Martinerainoko doazen Triunfo eta Lertsundi kaleetakoak ere. Marina eta inguruko beste kaleen noranzkoak, ordea, ez dira fase honetan aldatuko.
Ekainaren 8tik 10era
Zubieta kalea itxita egongo da, Urbieta kaletik Marinaraino. Baimendutako ibilgailuak bakarrik sartu ahal izango dira Askatasunaren hiribidetik. Cervantes aparkalekuko irteera Urbieta kalerantz izango da.
Ordezko irtenbidea Antiguarantz: Urbieta – Arrasate - Zubieta (Marina kalearekin bat egiten duenetik aurrera) – Kontxa
Manterola kalea itxita egongo da, Arrasate eta Zubieta kaleen artean. Baimendutako ibilgailuak bakarrik sartu ahal izango dira Arrasate kaletik.
Egoera berria, ekainaren 11tik aurrera: Zubieta kaleak trafikoaren noranzkoa aldatuta izango du, Urbieta eta Marina kaleetako tartean. San Bartolome kalearen noranzkoa aldatuta egongo da, bai eta San Bartolometik San Martinerainoko doazen Triunfo eta Lertsundi kaleetakoak ere.
Bestalde, Easo eta Kontxa artean dagoen bidegorria behin-behinean desbideratuko da San Bartolome eta Triunfotik.
Kontxa Pasealekua, gauez itxita
Gainera, 00:00etatik 6:00etara itxita egongo da Kontxa Pasealekua, bizpahiru astez. Mirakontxa Pasealekuak, bestalde, itxita jarraituko du beste bi edo hiru astez, eta horren ordezko irtenbide gisa, Kontxa Pasealekuko eskuineko erreia irekiko da ibilgailuak Antigua aldera joateko.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.