Bilboko Gau Zuriaren egitaraua
Gau Zuriak Bilboko plazak eta kaleak argiztatuko ditu ekainaren 17an eta 18an. Edizio hau ordutegi aldaketa batekin dator, eta ikuskizunak 13:00etik 00:30era bisitatu ahal izango dira. Hurrengoak dira berrapainduko diren guneak:
Euskalduna Jauregia (Urmaela)
Nenufares. Gauez irekitzen den lorea ikusi ahal izango da. Koloreen arabera, amaierarik gabeko loratze bat ikusiko da.
Ramon de la Sota kaia (Euskalduna zubiaren azpian)
Here Be Dragons. Bertan partaideek elkarrekin jolasteko aukera izango dute.
43º Latitud Norte. Itsasmuseumeko dike lehorrak argizko eta soinuzko esku-hartze inguratzaile bat hartuko du, eta bisitariak iraganeko portuen paisaiak gogoraraziko ditu.
Itsasmuseum
Veinte Mil Aguas. Itsaso eta ozeano sakonetako misterioetako batzuk deskubritzeko aukera emango du, argizko instalazio interaktiboen bidez.
Casilda Iturrizar parkea
Luz de Salon. Lanpara handi batek (8 metroko altuera eta 8 metroko diametroa) Casilda Iturrizar parkea argitu eta apainduko du.
Un Resplandor Geométrico. Geometriaren eta naturaren arteko erlazioak meditazio-izaera hartzen du lan honetan.
Eduardo Chillida Plaza (Bilboko Arte Ederren museoaren sarrera)
Blossom. 120 lorek baino gehiagok osatzen dute. Egunez, loreak oso ahulak dira, petalo zuriekin. Gauez, atmosfera eraldatzen da, loreak kolore degradatuekin argitzen baitira.
Abandoko Errepublikaren parkea
Marigorringoak. Abandoibarrako lorategian zorte ona ematen duen Marigorringo kolonia bat jarri da.
Evaristo Churruca Kaia (Abandoibarra etorbidea)
Itsasargiak. Koloretako farolak ikusi ahal izango dira.
Evaristo Churruca Kaia (Deustuko zubiaren azpian)
Bibrazioa. Metalezko lau xafla airean eskegita egongo dira. Jendea horietara hurbildu ahala, xaflak mugitzen dituzten motorrak azkartzen dira. Zenbat eta hurbilago, orduan eta azkarrago ikusiko dira, bai xaflak bai proiektatzen dituzten argiak.
Deustuko Unibertsitatea (CRAI eraikina)
Vidriera. Eraikinaren fatxada kolorez jantziko da.
Abandoibarra etorbidea (Pedro Arrupe pasabidearen azpian)
Waldweben. Egitura hori landareek osatzen dute. Ukitzen direnean, Richard Wagnerren Siegfried operaren bigarren ekitaldiaren "Zurrumurruak basoan" musika erreproduzitzen dute. Landare guztiak batera ukituz gero, obra osoa entzungo da.
Bizkaia Aretoa UPV/EHU (Axular aretoa)
Alteracion. Gorriz margotutako zuhaitz bat, aretoaren erdian, bihotzaren taupaden erritmoan argitzen da. Hari zuri batzuetatik abiatuta, baso baten ideia sortzen da.
Bizkaia Aretoa UPV/EHU (Etxepare aretoa)
Labeko Atea. Ahaztutako mundu batera doan ataria da, bertan, besteak beste meatzeak, burdina eta sua ikusi ahal izango dira.
Uribitarte pasealekua
Jolasak. Formatu handiko jolasak jarriko dira lurrean, eta hiri-parke handi bat irudikatuko da. Jendeak jolasteko aukera izango du.
Bizikidetasun plaza
Terminal Bilbao. Kutxa batzuetatik hegazkin koloretsuak aireratuko dira.
Zabalgune plaza
El Barabil. Iluntasunean argitzen diren koloretako balizak ikusi ahal izango dira.
Bilboko Elkarte Filarmonikoa
Souvenir. Bilboko Elkarte Filarmonikoaren inguruko ikuskizuna.
Areatzako pasealekua (Areatzako aterpeen artean)
BI // 722-345. Videomapping batek Bilboko hiria sortu zenetik gaur arte izan duen bilakaera demografikoa proiektatuko du.
Gas plaza
Olorama. Ikuskizun honek usaimen-paisaia bat eratzera gonbidatzen du, denbora ulertzeko daukagun moduari lotutako hainbat usain, memoria eta sentsazio erabilita.
Ripa kaia (Udaletxeko zubiaren azpian)
34 días. Pertsona batek 34 egunetan arnastuko lukeen airea 223 zakutan metatuta ikusi ahal izango da.
Campo Volantin pasealekua
Zirkuko Mailua. Albia eraikinaren fatxada feriako mailu handi bat bihurtuko da. Itsasadarraren beste aldean, Campo Volantin pasealekuan, egongo da kolpea emateko gailua. Jendeak esku-hartze interaktibo honetan parte har dezake.
Gizakunde Eliza
Bovedas Celestes. Ikuskizun honek zeruko mapak marrazten ditu denbora errealean. Bisitariek hainbat koloretako argizko sareak deskubritu ditzakete. Sare handi horiek eratzen eta desegiten dira, publikoa lekuz aldatzearekin batera. Horrela, etengabe berritzen den forma askotako unibertso bat sortzen da.
Bilboko Eleiz Museoa (Klaustroa)
Cuerpo Gris. Museoaren klaustroan egitura puzgarri handi bat egongo da eta espazioaren patioa eraldatuko du, haren dimentsioak, forma eta ibilbidea moldatuz.
Arriaga plaza
Girasoles. Plazan 69 eguzki-lore egongo dira.
Hirian zehar Trance Entre Calles dantza urbanoko ikuskizuna ikusi ahal izango da. Halaber, Bilboko Soinuak izenpean, musika ikuskizunak eskainiko dira Santiago katedralaren atarian:
Ekainaren 17an:
20:00etan Bilboko Akordeoi Orkestra Sinfonikoa
22:00etan Iralabarriko San Antonio Abesbatza
Ekainaren 18an:
20:00etan Bilboko Koral Elkarteko haurren korua
22:00etan Bilboko Koral Elkarteko Kantu Gela
Gau Zuriaren guneen mapa:
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.