Jaiotze-tasak % 3,3 egin du behera Euskal Autonomia Erkidegoan, 2021. urtean
2021. urtean 14.257 haur jaio ziren Euskal Autonomia Erkidegoan, aurreko urtean baino 428 gutxiago (% 3,3) Eustat Euskal Estatistika Erakundeak zabaldutako datuen arabera.
Beherakada hiru lurraldeetan gertatu zen: Bizkaian, % 4,9; Gipuzkoan, % 1,8, eta Araban, % 1,2. Guztira, 6.957, 4.932 eta 2.368 ume jaio ziren, hurrenez hurren.
Jaitsiera, batez ere, urteko lehen hilabeteetan gertatu zen, urtarrilean eta otsailean, % 17,9 eta % 13,1. Urte amaieran, ostera, beti ere 2020ko datuekin alderatuta, igoera izan zen: % 5,3 azaroan eta % 11,4 abenduan.
Jaiotzen % 35,2tan amak 30 eta 34 urte bitartean zituen. Ondoren, 35 eta 39 arteko emakumeek izan dituzte seme-alaba gehien (% 34,7), 25-29 artekoen aurretik (% 13,3). 40 urtetik gorakoak, ostera, % 10 inguru dira, aurreko urtean baino puntu bat gutxiago.
Amen nazionalitatea aintzat hartuta, % 27,2 atzerriko nazionalitatea zuten. 2020an portzentaje hori % 28,5ekoa zen.
2021. urtean, ezkontzaz kanpoko 6.974 haur jaio ziren, hau da, jaiotza guztien % 48,9; 2020an, baino gehiago (% 46,9).
Jaiotza-hurrenkera kontuan hartuta, 6.978 lehen seme-alabak izan ziren, jaiotza guztien % 48,9. Bigarrenak % 37,6 eta hirugarrenak eta ondorengoak % 13,4 izan ziren.
Zure interesekoa izan daiteke
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.