TropELA Bira ekimenak euskal errepideak zeharkatuko ditu larunbatean ELAren aurkako ikerketaren alde
TropELA Bira bizikleta martxak euskal errepideak zeharkatuko ditu aurten ere, ELA duten pertsonentzat eta senideentzat arreta eta laguntza handiagoa eskatzeko, baita gaixotasun neurodegeneratibo horren inguruko ikerketarako baliabide gehiago eskatzeko ere.
Ekainaren 18an, larunbata, dozenaka txirrindularik 382 kilometro egingo dituzte bizikletaz 4.000 metroko desnibel metatuarekin Bermeoko Ziklistek taldeak eta DalecandELA elkarteak antolatutako jardunaldi batean.
Bermeoko Ziklistek talderena da, sortzez, ekimena, eta hainbat urte daramatza ekimenen bidez laguntzen. Aurten, taldeko 30 kidek ibilbide osoa egingo dute, eta pertsona gehiago batuko zaizkie hainbat puntu eta tartetan. Aurreikusten denez, Pello Bilbao eta Mikel Landa txirrindulariek, esaterako, ibilbidean zehar egingo dute bat ibilaldiarekin.
Jardunaldia 04:30ean hasiko da Bermeon eta Tropela Bira Gipuzkoako hiriburura abiatuko da. Bertan, Eneko Goia alkateak harrera egingo die 08:30-09:00ak aldera. Bigarren txanda batean, Gasteizera joango dira eta 14:00ak aldera iritsiko dira. Han ere, Gorka Urtaran alkateak harrera egingo die.
Juan Mari Aburto Bilboko alkateak eta Gotzone Sagardui Eusko Jaurlaritzako Osasun sailburuak Bilbon hartuko dute tropela 17:00etatik 17:30era, eta, handik, Bermeoko helmugara abiatuko dira, 20:00ak aldera.
Aritz Abaroa Bermeoko alkatea eta Izaskun Bilbao EAJko europarlamentaria izango dira Bizkaiko kostako herrira iristean anfitrioi lanak egingo dituztenak.
Aurkezpen ekitaldian izan dira (argazkiak ezkerretik eskuinera) Jon Axpe (Bermeoko Ziklistek), Aritz Abaroa Bermeoko alkatea, Nora Sarasola (BBK), Luis Echevarria (DalecandELA) eta Sara Calvo (AdELA Euskal Herria).
Kilometroak salgai
Nahiko luketen pertsona edo erakundeek ekainaren 18ko eguneko ia 400 kilometroetako bat erosi ahal izango dute 'migranodearena.org' plataformaren bidez. Bildutako dirua AdELA EHri emango zaio, gaixoei eta haien senideei laguntzeko eta ELAri buruzko ikerketa sustatzeko.
BBK izango da jardunaldiaren babesle nagusia. Nora Sarasola erakundeko zuzendariak horrelako gaixotasunei aurre egiteko ikerketak duen garrantzia azpimarratu nahi izan du gaur: "Gizarte oparo, bateratu, inklusibo eta iraunkorra eraikitzeko guztion ongizatearekin eta aukera-berdintasunarekin dugun konpromisoak horrelako ekimenekin bat egitera bultzatzen gaitu gure gizarte-ekintzaren bidez. Hemendik, ekintzarako deia egiten diegu gizarte-eragile guztiei, parte har dezaten eta beren aletxoa eman dezaten horrelako gaixotasunen ikerketei eusteko; izan ere, ikerketa etorkizuna, lehiakortasuna eta jasangarritasuna da, eta hori da etorkizuneko belaunaldiei utziko dieguna". azpimarratu du.
ELAren gaixotasun neurodegeneratiboa ikusarazten laguntzeko asmoz, bat egin dute ekimenarekin SURNE, Conservas Campos eta Hika Bodega enpresek ere, euren laguntza eskainita. Horrela, biltzen den dirua Alboko Esklerosi Amiotrofikoaren Elkarteen Federazioari (ADELA) emango zaio.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.