Bere buruaz beste egiten ahalegindu diren pertsonak "hobeto artatzeko prozedura" ezarri du Osakidetzak
Suizidioa Prebenitzeko Estrategia eguneratu du Osakidetzak, eta, bertan, Oraintsuko Suizidio Ahaleginaren Kodea (CISR) izeneko prozedura gehitu du. Bere buruaz beste egiten ahalegindu diren pertsonei arreta hobea eta jarraipen zehatzagoa egitea dira helburu nagusiak, horretarako behar diren baliabideak indartuta. Osakidetzaren sare osoan martxan dago, jada, eta gaur eman du horren berri Gotzone Sagardui Osasun sailburuak, Bilbon egiten ari diren Osasun Mentaleko XII. jardunaldietan.
Alerta aktibatzen den unetik, pazienteari laguntzeko jarraituko diren urratsak jasotzen ditu CISR prozedurak. Hala, gaixoaren psikiatra arduradunak ospitalean alta ematen duen unean jarriko da martxan protokoloa, eta bere buruaz beste egiten saiatu den pertsonak, gehienez ere 48 orduko epean, Osasun Kontseiluko profesional baten deia jasoko du, "haren egoera ezagutu eta laguntza-urratsak emateko". Pauso hori eman ondoren, 15-30 eguneko epean berriro deituko zaio, nahi izatera, Osasun Mentaleko profesional batekin hitzordua eskainiz, "gehienez hiru eguneko epean".
Bestalde, Osakidetzaren Osasun Eskolaren bidez, suizidioari aurre egiteko online ikastaroa eskainiko da, lehen aldiz. Hiru orduko saioen bidez, informazio teorikoa eta praktikoa partekatuko da bere buruaz beste egiteko arriskuan egon daitekeen pertsonaren ingurukoekin. Besteak beste, suizidio-jokabideen inguruko oinarrizko kontzeptuak azalduko dira, "arriskuan dauden pertsonak hobeto detektatu" eta behar dituzten tresna egokiak eskura jartzeko.
Ikastaroaren egitura eta edukia zehazteko, saio pilotuak egin dira aurretik. Gizarte-zerbitzuetako langileek, gobernuz kanpoko erakundeetako ordezkariek edota farmazia-zerbitzuetako langileek hartu dute parte, besteak beste, eta emaitza oso positiboa izan dela esan du Sagarduik. "Lehen ebaluazioan, esperientzia pilotuak erakutsi du hobetu egin direla profesionalek suizidioa prebenitzeari dagokionez dituzten ezagutza eta autokonfiantza", nabarmendu du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.