Manifestazioa egin dute Iruñean, torturen aitortza eskatzeko
Nafarroako Torturatuen Elkarteak manifestazioa egin du larunbat honetan Iruñeko kaleetatik, biktimentzako "aitortza" eta "erreparazioa" eskatzeko, Torturaren Biktimen Babeserako Nazioarteko Egunaren bezperan.
"Aitortza. Erreparazioa. Ez errepikatzeko bermea" lelopeko pankarta buruan, Iruñeko autobus geltokitik abiatu da martxa. Plazaola kalea, Zaragoza etorbidea, Vianako Printzearen Plaza, Nafarroa Behereko etorbidea, Merindadeen plaza eta Karlos III etorbidea zeharkatu ditu, Askatasunaren plazan amaitzeko.
Manifestazioan zehar, 1960 eta 2012 artean torturatutako nafar biztanleen izenak irakurri dituzte, megafonia bitartez. Besteak beste, bertan izan dira Ana Ollo Nafarroako Gobernuko Herritarrekiko Harremanetako aholkularia, Unai Hualde Parlamentu Foraleko presidentea eta Bakartxo Ruiz EH Bilduko parlamentaria.
Askatasunaren plazan, Amapola del Camino elkarteko Ramon Contrerasek adierazpen bat irakurri du. "Nafarroan 1960 eta 2012 artean izandako tortura kasuak, 1.000 baino gehiago, aitortzeko aldarrikapena bere egiteko" deia egin dio gizarteari.
Bestalde, Nafarroako Torturatuen Elkarteko Jorge Txokarrok "Nafarroako gehiengo politiko, sindikal eta sozialaren" babesa jaso izanaren garrantzia azpimarratu du. Hain zuzen ere, 150 gizarte eragile baino gehiago atxiki zaizkio aldarrikapenari, besteak beste; alderdi politikoak, sindikatuak, jai batzordeak, gazte taldeak, auzo elkarteak, memoriaren aldeko elkarteak edo lagunarteak.
"Eta horrekin batera, Nafarroako eta nazioarteko kulturaren munduko 250 pertsona ere", gaineratu du Txokarrok. Nabarmendu duenez, "erantzuna ikaragarria izaten ari da", eta hala "olatu erraldoia sor dezakegu, Nafarroan torturatutako pertsonen aitortzaren alde".
Zentzu horretan, adierazi du "pozez" jaso dituztela "Estatuko indarrek gure erkidegoan eragindako tortura kasuak argitzeko ematen ari diren pausoak. Baina badakigu luzea izango dela Nafarroako milaka tortura kasuak aitortzeko eta erreparatzeko bidea".
Azpimarratu duenez, "mendekatzeko desiratik urrun, gure elkarbizitza eraiki nahi dugu bestelako balioetatik, etorkizun hobea proiektatuz baina iragana ahaztu gabe". Haren arabera, "gizarteari eta datozen belaunaldiei zor diegu gertatutakoa argitzea, izan ere, tortura desagerrarazteko modurik eraginkorrena da. Inork ez dezala inoiz guk bizitakoa bizi".
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.