Felix Zubia: "EAEn bakarrik, egunean 3-4 pertsona hiltzen dira oraindik covidaren ondorioz"
"Egoera endemikoan gaude" unean, Felix Zubia Donostia Ospitaleko Zainketa Intentsiboetako Unitateko Zerbitzuburuak Euskadi Irratiko Osasun Etxea saioan azaldu duenez. Adituaren hitzetan, pandemikoa baino hobea da baina, medikuntzaren ikuspegitik, "ez da ona"; mantendu egiten delako, behera egin ordez.
Euskal Autonomia Erkidegoan bakarrik, "egunean 3-4 pertsona" hiltzen dira oraindik covid-19aren ondorioz. Zubiak nabarmendu duenez, "ospitaleek jasan dezakete, ZIUek ere bai, baina batez ere zaurgarrienak ari dira hiltzen: adinekoak, gaixotasun kronikoak dituztenak eta immunitate arazoak dituztenak". Medikuaren aburuz, "haiek ere merezi dute gure aldetik ahalegintxo bat ahal denetan" eta, horrekin batera, "euren buruak babesteko aholkuak, besteok neurriak ia utzita ditugulako".
Udaren iritsierak igoerak ekarri ditu transmisioan, "batetik, jendearen pilaketa eta mugimenduak handiagoak direlako: herriko jaiak, kontzertuak, festak...". Bestetik, azpialdaera berrien sorrera azpimarratu du Zubiak. Izan ere, omikron aldaeraren barruan, "aldaketa txikiak" gertatzen ari dira eta, une honetan, BA5 izeneko azpialdaera bat ari da zabaltzen.
Azpialdaera berri horien ezaugarri nagusia da immunitateari ihes egiteko "gaitasun handixeagoa" dutela eta, hortaz, gaitza berriro pasatzeko arriskua daukagula, aurreko defentsek ez dutelako infekzioa galarazten. Edonola ere, medikuak gogorarazi du defentsa horiek, txertoek bezalaxe, kasuen larritasuna arindu egiten dutela eta kasu gehienak arinak direla, "gripearen antzekoak".
Hortaz, larriak ez diren arren, "azpialdaera hauek ematen direnean, gorabeherak izaten dira eta, kasuak zailtzen direnean, ospitaleetan igarri egiten da". "Gaitzak behera egitea beharko genuke, eta egoera desagertzea", berretsi du Zubiak, ondorio gisa.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.