Lehertu da jaia Iruñean
Udaletxeko balkoi nagusitik jaurtitako txupinazoarekin ekin diote Iruñean 2022ko sanferminei. Zapi gorriak eskuan, une zirraragarriak bizi izan dituzte beste behin bertaratu diren milaka lagunek, bi urteko etenaldiaren ondotik zain baitzeuden iruindarrak San Fermin jaiei ongietorria emateko.
Udaletxeko ordularian 12:00ak zirenean lehertu da jaia, Juan Carlos Unzue futbolari eta entrenatzaile ohiak suziriaren metxari su ematearekin bat. "Iruindarrok! Txupinazo hau osasun-langile guztiei eta pandemia osoan lagundu diguten pertsona guztiei zuzenduta dago! ELAren gaixotasuna dutenei ere eskaini nahi diet, batez ere Montxori!", adierazi du txupinazoa bota aurreko diskurtsoan.
Bueltan dira, hortaz, hainbeste itxarondako sanferminak. Jai giroan murgilduta dago Iruñea, eta 204 ordu luzez festak ez du etenik izango hiriko karriketan. Gaurko, uztailaren 6rako, egitarau oparoa prestatu du Udalak: musika kalean, folklore jaialdia Foruen Plazan 13:30ean edo Erraldoi eta Buruhandien Konpartsaren erakustaldia 17:00etan autobus geltokitik hasita. Horiek dira, besteak beste, gaurko eskaintzak.
2022ko sanferminetarako antolatutako kontzertuen egitaraua Lola Indigo abeslari gaztearen emanaldiarekin hasiko da Iruñeko Foruen Plazan. Etxeko txikiek eta gazteek ere hainbat gune izango dituzte eurentzako hiriko txoko ezberdinetan. Alde batetik, Gazte Eremua Foruen Plazara bueltatuko da uztailaren 7tik 14ra, eta, bestetik, Takonera parkean, sormena ardatz izango duen haurrentzako gunea egongo da.
Sanferminetako lehen entzierroa, berriz, ostegun honetan egingo da, jaietako egun handian, Puerto de San Lorenzoko zezenekin. Ondoren, Fuente Ymbro, Jose Escolar, La Palmosilla, Cebada Gago, Jandilla, Victoriano del Rio Cortes eta Miurako zezenak izango dira hurrenez hurren, eta entzierro guztiak zuzenean jarraitu ahal izango dira egunero eitb.eus-en eta ETB1en.
Aurten ere, Iruñeko hiria eraso sexisten aurkako borrokaren gune bihurtuko da sanferminetan, berdintasunezko jaien aldeko apustua eginez. Horretarako, Gazteluko Plazan informazio gune bat jarri da, eta guztiontzat eskuragarri egongo da egunero 11:30etik 15:00etara eta 18:00etatik 00:00etara.
Babes Zibileko Batzordeak, bestalde, sanferminetan kontuz ibiltzeko deia egin du azken egunotako koronabirus kasuen gorakadaren aurrean.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.