Iruñea prest da sanferminei merezi moduan agur esateko
San Ferminen Zortziurrenak, Erraldoi eta Buruhandien Konpartsaren agurrak eta eitb.eus-en zuzenean eskainiko den "Gaixoa Ni" ekitaldiak amaiera emango diote gaur, osteguna, 2022ko sanferminei. Uztailaren 14a, baina, berezia izan ohi da iruindarrentzat eta aurten ere Udalak egitarau zabala prestatu du egun horretarako.
Miura ganadutegiko zezenen azken entzierroaren ondoren (gogoratu zuzenean ikusteko parada izan dela ETB1n eta eitb.eus-en), Erraldoi eta Buruhandien konpartsaren txanda izan da, egunero bezala, 09:30ean atera baita. Ezpeletaren jauregitik abiatu eta Kale Nagusitik Udaletxe plazara joan da, han Zortziurrenaren desfilearekin eta Udalbatzarekin bat egiteko. San Fermin kaperan, 11:00etan, berriz, elizkizuna egingo da.
Mezaren ondoren, Udalbatza Iruñeko udaletxera itzuliko da, eta harekin batera joango dira, besteak beste, La Pamplonesa, Erraldoi eta Buruhandien konpartsa eta udal-dantzariak. Udaletxe plazan konpartsak zenbait dantza eskainiko dizkio hiriari.
Sanferminetako tradizioan festen azken egunean jada erroturik dagoen beste hitzorduetako bat 'kulturen kalejira' da. 18:00ak aldera abiatuko da Descalzos eta San Lorentzo kaleen elkargunetik, eta Alde Zaharreko hainbat kaletan barna ibili ondoren, 20:30ak aldera, Gazteluko plazara iritsiko da.
Su artifizialen ondotik eta udaletxeko ordularian 24:00ak jotzearekin bat, festen amaiera iritsiko da Udaletxe plazan. Tokia kandelekin argiztatuko da eta Iruñeak 'Gaixoa Ni' abestuz agur esango die bederatzi egun luzeri, zapiak askatu bitartean.
Zure interesekoa izan daiteke
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.