Bero sapak ez du etenik, eta alerta laranja ezarri dute biharko
Bero egingo du erruz gaur ere Euskal Herrian. Bizkaia eta Gipuzkoako barnealdean 35 gradu inguruko tenperaturak izango dira, hortik gorakoak Araban. Kostaldean, baina, zertxobait apalagoak izango dira tenperaturak, brisa ibiliko baita. Nafarroako zenbait txokotan, bestalde, 40 graduak gaindituko dira, batez ere hegoaldean.
Gauzak horrela, alerta laranjan daude Araba ia osoa eta Foru Erkidegoaren hegoaldea, Erribera ingurua, muturreko tenperaturak medio, eta Bizkaia eta Gipuzkoa barrualdea, berriz, alerta horian. Aurreikuspenaren arabera, gauean ere ez du askorik freskatuko.
Sua edo txinpartak piztu ditzakeen edozerri buruzko prebentzio neurrien garrantzia azpimarratu dute erakundeek beste behin, baita norbera eta inguruko ahulenak berotik babestekoak ere, eta baso-suteen Larrialdi Plana aktibatu dute Araban -bihar Bizkaian eta Gipuzkoan ere ezarriko dute- eta Nafarroan.
Atzo arratsaldean Donemiliagan izandako sutearekin, sei dira dagoeneko, Araban piztu diren suteak astea hasi zenetik. Ramiro Gonzalez Arabako ahaldun nagusiak Radio Euskadin esan duenez, "sute txikiak dira eta suhiltzaileek kontrolpean" dituzte guztiak. "Araban dauden 40.000 zereal laborantzatik 60 hektarea erre dira", azaldu du.
Beroak ez du etenik, eta, biharko, ostirala, ere tenperatura altuak iragarri dituzte Euskalmetek eta Aemetek Hego Euskal Herrian. Hala, Nafarroa ia osoan eta Araban alerta laranja ezarri dute, 40 gradu inguruko tenperaturekin. Bizkaiko eta Gipuzkoako barnealdean, berriz, gaurkoen antzeko tenperaturak espero dira, eta 36 gradura irits daitezke termometroak. Kostaldean, ez dira 30 graduak gaindituko.
Larunbaterako, bai EAE bai Nafarroa alerta laranjan egongo dira, eta, puntu askotan, 40 gradutik gorako tenperaturak izango dira. Gainera, kostaldean 30 graduak gaindituko dituzte.
Eusko Jaurlaritzako Osasun Sailak eguzkitik eta berotik babesteko gomendatu du; izan ere, azken hiru egunetan, 25 pertsona artatu dituzte beroaren ondorioz eta, horietatik 13, ospitalera eraman dituzte. Ura edateko, gorputza freskatzeko, eta eguerdi partera eguzkitan egotea saihesteko gomendatu dute, batez ere, pertsona zaurgarrienen kasuan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.