Alerta laranjan nekazaritzako makineria erabiltzeko murrizketak malgutu dituzte Nafarroan
Alerta egoera asko luzatzen denean, nekazaritzako makineria erabiltzeko murrizketak "malgutu" ditu Nafarroako Gobernuak. Horrela, alerta laranja egoeran nekazaritzako makineriarekin lan egiteko baldintzak malgutu ditu Foru Exekutiboak.
Suteen prebentzioa lehen sektoreko jarduera sozioekonomikoarekin bateragarri egitea eta batu gabe dagoen laborea kentzeko aukera ematea da helburua, sua pizten bada erregaia delako, Nafarroako Gobernuak ohar batean jakitera eman duenez.
Konkretuki, Ingurumen Zuzendaritza Nagusiaren ebazpen berezi edo orokorren bidez lan zehatzak baimentzeko aukera ematen du Foru Arauaren aldaketak.
Salbuespenak aurreikusi gabeko ala bat-bateko egoerek eragin ditzakete, epe luzeko meteolaertek, esaterako.
Zentzu horretan, Ingurumen Zuzendaritza Nagusiak ebazpena onartu du ostiral honetan bertan, alerta laranja egoeran nekazaritzako makineriarekin lan egiteko baldintzak malgutzeko.
Horrela, alerta dagoenean, sail ureztatuetan nekazaritzako makineria astunarekin lan egitea (uzta batzea, fardoak egitea eta galtzua txikitzea labore sailetan) posible izango da egun osoan, soroa 10 hektarea baino gehiagoko baso baten ondoan ez badago. Kasu horretan, 13:00etara arte edo alerta laranja indarrean sartu arte lan egingo dute nekazariek.
Lehorreko lurretan, aldiz, baratze ureztatuetan baino sute arrisku handiagoa da, eta alerta laranjaren aurreneko bi egunetan debekuak mantenduko dira.
Alerta laranja bi egun baino gehiago luzatzen baldin bada, ostera, nekazaritzako makineria astuna 13:00etara arte erabiltzeko baimena izango dute sektoreko profesionalek, alerta horian aurreikusitako prebentzio sistemak mantenduz.
Alerta gorri baten ondotik, alerta laranjako bi egun ematen badira, lan egitea posible izango litzateke ordutegiak errespetatuz.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.