EHU munduko 200 unibertsitate onenen artean dago zazpi diziplinatan
EHUko zazpi espezialitate akademiko munduko 200 onenen artean daude Shanghaiko Jiao Tong Unibertsitatearen urteko txostenaren edizio berrian. 'Shanghaiko rankinga' izenez da ezagunagoa, eta urtero munduko 500 unibertsitate onenak ezartzen ditu argitalpen horrek.
Edizio honetan, EHU 150 unibertsitate onenen artean agertzen da hiru espezialitate akademikotan: Ingeniaritza Metalurgikoa, Ingeniaritza Kimikoa eta Kimika. Hori dela eta, hiru diziplina horietan nabarmendu den Espainiako Estatuko lehen unibertsitatea da.
Beste lau diziplinatan ere 200 onenen artean dago: Elikagaien Zientzia eta Teknologia; Materialen Zientzia eta Ingeniaritza; Nanozientzia eta Nanoteknologia; eta Matematika, lehen aldiz 200 onenen zerrendan sartu dena.
Espezialitate aipagarri horiez gain, EHUk oso postu garrantzitsuak lortu ditu Telekomunikazioen Ingeniaritzan; Energiaren Zientzia eta Ingeniaritzan; Farmazia eta Farmazia Zientzietan; eta Komunikazioan (munduko 300 unibertsitate onenen artean).
Beste hamabi espezialitate (Fisika; Nekazaritza Zientziak; Ingurumen Zientzia eta Ingeniaritza; Ingeniaritza Elektrikoa eta Elektronikoa, Ingeniaritza Mekanikoa, Zientzia Biologikoak, Osasun Publikoa, Zientzia Politikoak; Zientzia eta Ingeniaritza Informatikoa; Ekologia; Ekonomia eta Psikologia), 400 onenen artean; eta lau diziplina gehiago (Hezkuntza, Lurraren Zientziak, Zientzia Biometrikoak eta Kudeaketa –Management–), 500 onenen artean.
Eva Ferreira EHUko errektoreak azpimarratu duenez, txosten horretan argitaratutako datuek "gurea unibertsitate sendo bat dela erakusten dute, dinamiko eta hobetze prozesu jarraian".
" Zoriontzekoa da lehen 200 onenen artekoak zazpira igo izana, Matematika ere sartu baita, eta munduko 500 unibertsitate onenen artean egotea Telekomunikazio Ingeniaritzan (300 onenen artean), Ekonomia eta Psikologian (400 onenen artean), besteak beste", gaineratu du.
Balioetsi du, halaber, jakintza-arlo guztiak daudela ordezkatuta irakasgaien espektro zabalean, eta horrek unibertsitatearen izaera orokorraz ez ezik, ikasgai guztietan ezartzen den autoeskakizun-mailaz ere hitz egiten duela.
'Shanghaiko ranking' gisa ezagutzen den sailkapena unibertsitate munduan onarpen handiena duen ebaluazio irizpideetako bat da, eta eragin handienetakoa du unibertsitateen nazioarteko proiekzioa ebaluatzeko orduan, EHUren arabera.
Sailkapen horrek munduko 500 unibertsitate onenak biltzen ditu, goi-mailako hezkuntzako 1.500 erakunde nagusiak aztertu ondoren, 20.000 baino gehiago daudela kalkulatzen den testuinguru global baten barruan.
EHU 2012an sartu zen munduko 500 unibertsitate onenen talde hautatuan, eta 2020ko ediziotik aurrera 400 onenen artean sailkatuta egon da.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.