Epaimahaiak erruduntzat jo du Marta Calvoren eta beste bi emakumeren hilketengatik akusatutako gizona
Valentziako herri epaimahaiak erruduntzat jo du Jorge Ignacio Palma ostiral honetan, hiru emakume hiltzeagatik; Marta Calvo, Arlene Ramos eta Lady Marcela Vargas. Gainera, beste zazpi emakume hiltzen saiatu izana eta hamar sexu abusu ere egotzi dizkiote.
Valentziako Justiziaren Hirian igorritako epaiaren arabera, Marta Calvoren eta Lady Marcela Vargasen hilketa matxisten autore da Palma, baita Arliene Ramosen homizidioarena ere.
Marta Calvoren kasuan, epaimahaikideek mantendu dute sexu abusua egon zela, "ustekabean eta biktimaren defentsa aukerarik gabe" aritu zela, babesgabetasuna egon zela eta, gainera, gorpua desagerraraztean heriotzaren arrazoiak ezkutatzen saiatu zela.
Hain zuzen ere, adierazi dute Jorge Ignacio Palmak Marta Calvoren heriotza eragin zuela "kokainarekin intoxikazio akutua eragitearen metodoaren bitartez, menperatze matxista ekintza gisa".
Kasu honetan, akusatua ezustean aritu zen, eta biktima defendatzeko aukerarik gabe utzi zuen. Gainera, sexu askatasunaren aurkako delitua egin zuen Calvoren gain. Izan ere, biktimak jakitekotan onartuko ez lituzkeen praktikak inposatu zizkion.
Epaimahaikideen epaiaren arabera, bere ekintzen ondorioen jakitun aritu zen Jorge Ignacio Palma kasu guztietan, bai Marta Calvo eta beste bi nesken hilketan, baita sexu abusuak egin zizkien beste bi emakumeen kasuan ere.
Beste biktimen inguruan, epaimahaiak, lekukoen testigantzak eta txosten forentseak zein toxikologikoak kontuan hartuta, erruduntzat jo du kokaina intoxikazioaren bitartez horiek hiltzen saiatu izanagatik. Azkenean, ez zen hilkor suertatu bere borondatetik kanpoko arrazoiak zirela eta.
Kasu guztietan, herri epaimahaikideak zigorren murrizketaren aurka eta indultua emateko aukeraren aurka agertu dira.
Epaiaren irakurketaren ostean, fiskaltzak mantendu egin du 120 urte batzen dituzten espetxe zigorren eskaera, eta akusazioak berriro eskatu du espetxealdi iraunkor berrikusgarria. Gainera, aldebiek erretiratu dituzte berrerortzeagatik eskatu zituzten zigorrak.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.