Saltokiei eta enpresei zuzendutako telefono bidezko iruzur-kanpaina baten berri eman dute
Telefono bidezko iruzur mota berri bat antzeman du Ertzaintzak, batez ere enpresei eta saltokiei zuzenduta dagoena. Azaldu duenez, iruzurgileak dendako saltzaile-arduradunarekin harremanetan jartzen dira, logistika-enpresa bateko hornitzaile edo banatzaile baten itxurak eginez. Ondoren, sinetsarazten diote zerbitzu batengatik ordaintzeke duela faktura bat, eta, hori gauzatu ezean, zigor larria eragingo diola bere negozioari. Horretarako, ordainketa banku-transferentzia bidez, Bitcoin kutxazainen bidez edo ordainketa-txartelen bidez egiteko eskatzen diote biktimari.
Eusko Jaurlaritzako Segurtasun Sailak jakinarazi duenez, metodo hori Ertzaintzak 2020an detektatu eta ikertutakoaren oso antzekoa da. Izan ere, mota horretako 30 iruzur ingururen berri izan zuten, eta iruzurgileek 1.000 eta 3.000 euro arteko ordainketa egin behar zuela konbentzitzen zuten biktima.
Ertzaintzak hautemandako kasuetan, konexioa egiteko erabiltzen diren telefonoek atzerriko aurrezenbakia dute, edo iruzurrez alta emandako abonatuei dagozkie.
Iruzur mota horren aurrean, nahi ez diren deiak eta testu-mezuak blokeatzea gomendatu du Ertzaintzak, eta, gainera, halako kasuetan inoiz ez dela datu pertsonalik zein finantzariorik eman behar gogoratu du. Aitzitik, paketeria-enpresaren telefono ofizialera deitu beharko litzateke komunikazioa benetakoa den edo iruzur saiakera bat den baieztatzeko.
Ildo horretan, zehaztu du paketeria-enpresa batek ere ez duela presiorik egingo berehala jarduteko. Ohikoak ez diren ordainketa-metodoak ez egiteaz gain, susmorik txikiena izanez gero, konfiantzazko norbaitekin hausnartzea eta hitz egitea gomendatzen du Ertzaintzak.
Horrelako engainuen biktima izan direla konturatuz gero, komenigarria da salaketa jartzea. Ondorengo ikerketa errazteko, Ertzaintzak gertatutakoari buruzko ahalik eta informazio gehien ematea gomendatzen du; beraz, aholkatu dute ez ezabatzea webguneari, ordainketa egin den plataformari edo saltzaileekin izandako harremanei eta elkarrizketei buruzko daturik.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.