Pandemiaren adierazle guztiak jaitsi dira, baina heriotzek arinki egin dute gora: 53 hildako azken astean
Azken astean, 53 pertsona hil dira guztira Euskal Autonomia Erkidegoan covid-19agatik, aurreko zazpi egunetan baino sei pertsona gehiago. Gaixotasunagatik ospitaleratutako pertsona kopurua, berriz, 447koa zen igandean, astebete lehenago baino 129 gutxiago, alegia. Horien artean, 19 ZIUn daude, hau da, azken balantzean baino zazpi gutxiago.
Eusko Jaurlaritzako Osasun Sailak astelehen honetan argitaratutako txosten epidemiologikoaren arabera, uztailaren 25 eta 31 bitarteko datuak jasotzen dituena, denbora tarte horretan 2.730 kasu positibo antzeman dituzte, aurreko astean 4.072 zirelarik. Hala, astean zehar egindako 14.026 proba diagnostikoei dagokienez, positibo tasa % 19,5ekoa da.
Kasu guztien artean, 1.798 60 urtetik gorako pertsonei dagozkie. Hain zuzen ere, talde horretan 653,64ra jaitsi da 14 eguneko intzidentzia metatuaren tasa 100.000 biztanlekiko (aurreko astean, 1.027,76). Biztanleria orokorraren kasuan, 310,14koa da intzidentzia tasa, eta 496,99koa zen azken astean.
Ospitaleratzeak
Igande honetan, 428 pertsona zeuden EAEn covidagatik ospitaleratuta, aurreko astean baino 122 pertsona gutxiago. Gainera, 19 gaixo izan dira ZIUetan, alegia, aurrekoan baino zazpi gutxiago.
Bestalde, Osasun Sailak jakinarazi duenez, aste honetan, 53 pertsona hil dira erkidegoan covid-19agatik, aurreko astean baino sei gehiago. Hala, 7.564 dira guztira pandemia osoan zehar hildakoak.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.