Tximino-baztangaren aurkako txertaketa "selektiboa" hasi du Nafarroak
Nafarroa hasia da tximino-baztangaren aurkako txertaketa "selektiboa eta mailakatua" lehentasuna duten taldeei ematen, Osasun Publikorako Batzordeak onartutako irizpideen arabera. Lehen entrega horretan, 29 dosi jaso ditu.
"Oso txertaketa mugatua eta lehenetsia da, biztanleria orokorrari zuzenduta ez dagoena", ohartarazi du Nafarroako Gobernuak ohar batean. Bertan adierazi duenez, espero du Osasun Ministerioak autonomia erkidegoen artean egindako banaketa proportzional horrek laster "antzeko kantitate" baten entregarekin jarraitzea, 30 dosi ingurukoa, alegia.
Gobernuak azaldu duenez, biztanleria orokorrari zuzenduta ez dagoenez, osasun sistema bera jarriko da txertoa jaso behar duten pertsonekin harremanetan.
Hain zuzen ere, kasuen hurbileko kontaktu izandako pertsonen inokulazioarekin hasiko dira, eta estatu mailako protokoloaren jarraibideetan azaldutako arrisku handiko taldeekin jarraituko dute. Protokolo horren arabera, birusaren aurreko esposizioa izan duten osasun langileak ere babes litezke.
Kasu batzuetan zein besteetan, osasun sistema bera jarriko da horiekin harremanetan txertoa eskaintzeko, baina une honetan oso baldintza zehatzetan preskribatuko da.
Nafarroako Osasun Publikoaren eta Lan Osasunaren Institutuaren azken Txosten Epidemiologikoaren arabera, birus horrek jotako 11 pertsona baietsi dituzte Nafarroan, estatu mailan, une berean, 4.577 zirelarik kasu positiboak.
Gaixotasun automugatu gisa azaltzen da, unean, tximino-baztanga agerraldi bat, eta sintomak bi eta lau aste inguru luzatu ohi dira. Normalean, sukarrarekin, buruko minarekin, giharretako minarekin, adenopatiarekin eta nekearekin hasten da, eta, hortik egun gutxi batzuetara, aurpegian eta gorputz-adarretan kontzentratu ohi den erupzio bat hasten da.
Kasu gehienetan, gaixotasun arina da, baina ez da baztertzen zenbait kasutan okerrera egitea, eta zailtasunak agertzea.
Tximino-baztanga kasu baten susmoaren aurrean (derrigorrezko deklarazio urgenteko infekzioa), isolatzeaz gain, gaitza dun pertsonak osasun sistemarekin harremanetan jarri beharko du, osasun langile batek horren balorazioa eta kudeaketa egin dezan. Une horretan emango zaizkio jarraibide zehatzak.
Euskal Autonomia Erkidegoa astelehen honetan bertan hasi zen tximino-baztangaren aurkako txertoa ematen, 141 dosiko lehen entregarekin.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.