Tenperatura freskoak eta euria datorren asterako

Astelehenean giro freskoak jarraipena izango du eta eguraldia lasaia izango da. Behe-hodei dezente agertuko dira, Kantauri isurialdean eta goizean bereziki, baina egunaren erdiko orduetarako hodeiak gutxitu eta ostarte zabalak irekiko dira. Arratsalde-gau partean berriro ere erdi mailako hodeiak eta goi-hodeiak ugaritu egingo dira. Arratsaldean ipar-haizea nagusituko da, maximoak apur bat igo daitezke, baina tenperaturak balio suabeetan jarraituko du.

Asteartean hodei dezente agertuko dira. Une askotan hodeiek zerua estal dezakete, euria egingo du eta noizean behin zaparrada trumoitsu mardulagoren bat bota dezake, egunaren biharren partean bereziki. Iparraldeko haizea nagusituko da beste egun batez, arratsaldean zakarrago ibil daiteke, eta tenperaturak balio suabeetan jarraituko du, baliteke apur bat jaistea, barnealdean batez ere.