1.133.000tik gora lagunek gozatu dute Aste Nagusiko ekitaldiez
Gaur, Donostiako Aste Nagusiaren ondorengo astelehenean, Donostiako Udaleko Jaietako zinegotziak jaien lehen balantzea egin du, eta Eneko Goia alkateak igandean egin zuen bezala, jaietan izan diren 400 ekitaldi baino gehiagotan herritarren parte-hartze handia azpimarratu du, baita jaien antolaketan inplikatutako zerbitzuen arteko koordinazioa ere.
Udalaren arabera, 1.133.000 pertsonek gozatu dute Aste Nagusian zehar antolatutako jarduerez Eguraldi txarragatik halabeharrez murriztutako agenda eta zifrak, izan ere, asteazkenean denboralea dela eta bertan behera gelditu ziren ekitaldi ugari eta osteguneko askori ere eragin zien. Hala ere, Jon Insausti Jaietako zinegotziaren arabera, hiriak kalera atera du ospatzeko eta ondo pasatzeko gogoa, eta parte-hartze masiboari esker "donostiarrek handi egin dute euren astea".
Antolatzaileen arabera, 488.000 pertsona inguruk jarraitu dute Su Artifizialen Nazioarteko Lehiaketa astean zehar (asteazkena izan ezik, bertan behera utzi behar izan baitzen euriagatik). Hala, larunbatean, igandean, astelehenean eta ostiralean ehun mila pertsona inguru bildu ziren, eta amaierako ikuskizun piromusikalak 110.000 pertsona bildu zituen. Zezensuzkoa gauetarako "osagarri ezin hobea" izan da, eta 25.000 pertsonak baino gehiago izan dira horietan.
Sagueseko kontzertuak izan dira, halaber, suekin batera jende gehien bildu dituzten ekitaldiak, 74.500 pertsona guztira, Udalaren arabera. Gatibu izan zen kontzertu jendetsuena (18.000 pertsona), bota Zetak (13.500 pertsona), La M.O.D.A. (12.000 pertsona) eta Izaro eta Ariel Rot eta Kiko Veneno (11.000 pertsona) ere. Mitic eta Ana Guerraren asteazkeneko kontzertuak bertan behera geratu ziren.
Kursaalaren inguruan antolatutako jarduerak ere "oso erakargarriak" izan dira. 175.000 pertsona inguruk hartu dute parte Kongresu Jauregiaren inguruan antolatutako hitzordu eta espazioetan. Bertan egindako Disko Festan, milaka gaztek espazio seguru batean gozatu ahal izan dute musikaz.
Erraldoiak eta buruhandiak izan dira aurten ere "garaile handienetako" bat kale eta auzoetan egin dituzten emanaldietan. 42.000 pertsona inguruk bat egin dute konpartsarekin, txikien eta nagusien gozamenerako.
16.000 pertsona inguruk jarraitu zituzten festen hasierako Kanoikada eta Artillero, ondorengo Holy Fest-ekin batera. Txistulari Alardeak 2.000 lagun bildu zituen Konstituzio Plazan.
Herriko eragileen eskutik antolatutako ekintzek, hala nola lehiaketa gastronomikoek, Easoko dantzaldiek edo haurrentzako jolasek, arrakasta handia izan dute, baita Gros, Antigua eta Amara auzoetan antolatutako jarduerek ere, festa giroa hiri osora zabaltzen lagundu dutenak.
Halaber, Piratek Aste Nagusiari emandako "alaitasuna eta umore ona" azpimarratu ditu Udalak, Abordatzetik bertatik hasita, zeinetan ehunka gaztek badia umorez eta dibertimenduz bete baiztuten.
Gainera, Pasealeku Berriko eta Artzain Oneko azoka-esparruek, Udalaren arabera, milaka lagunek atrakzio ezberdinez gozatzeko balio izan dute, eta aurten ere "bi gune jendetsuenetakoak eta anitzetakoak" izan dira.
Koordinazioa eta segurtasuna
Insaustik festaren antolaketan inplikatutako zerbitzu guztien "koordinazio bikaina" azpimarratu du, "Donostia Festak, garbiketa-zerbitzuak, Udaltzaingoa, Mugikortasun saila, suhiltzaileak, Berdintasun saila, Mantentze-lanak eta Hiri Zerbitzuak", hain zuzen ere, horiei esker "ekitaldi guztiak gorabehera nabarmenik gabe egin ahal izan baitira".
Alderdi negatiboan, Insaustik emakumeen aurkako ziztadengatik eta gehiegikeriengatik jarritako salaketak aipatu ditu; eta azpimarratu du beharrezkoa dela lanean jarraitzea festak emakume eta parte-hartzaile guztientzat seguruak izan daitezen, "kasu bakar bat ere deitoratu beharrik ez izateko".
Horrek guztiak datorren urteko Aste Nagusian pentsatzen hasteko erronkaren aurrean jartzen du udal taldea, 2023ko jaiak "historiako onenak izan daitezen".
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.