Mikel Epaltza Urruñako apaiza: "Ezin da eliza batera armekin sartu jendea atxilotzeko"
Dozenaka lagunek bat egin dute gaur arratsaldean Urruñako elizaren aurrean, atzo Poliziak bertan garatutako operazioa salatzeko. 18:00etan bildu dira bertan, "Elkartasuna ez da delitua" leloa zeraman pankartaren atzean.
Atzo arratsaldeko lehen orduan 10 pertsona migratzaile atxilotu zituzten eliza barruan, bertan babes hartuta zirela. Elkarretaratzera hurbildu den jende andana ikusita, "ikusten dugu gure herriak baduela arima. Mila esker, zinez" adierazi dute Bidasoa elkartasun sareko kideek.
Elkarretaratzean izan da Mikel Epaltza Urruñako apaiza eta gogor salatu du gertatua. Elizak etorkinei beti eman diela babesa adierazi du eta eliza toki sakratua dela gogorarazi du: "Etorkinei gure sustengua agertzeko gaude hemen, eta gure haserrea erakusteko ere bai. Eliza ez da edozein etxe, toki sakratua da eta behar da errespetatu. Aterpe etxea izan da mendeeta zehar eta ezin da horrela armekin sartu jendea atxilotzeko. Anaiak dira Afrikatik eta etortzen diren etorkinak, usu etortzen dira elizara, astero edo egunero, badakitelako hor aterpetuak izango direla eta lagunduak Baionara eramateko" azaldu du.
Filipe Aramendi Urruñako alkateak ere gogor salatu ditu atxiloketak. Euskadi Irratiari adierazi dio eliza "toki publikoa" dela, eta badituela "balore etikoak eta humanoak". Horregatik, erabat gaitzetsi du hark ere gertatua.
Atxilotuetako 10 pertsonetatik 8 kanporatu egin dituzte, eta beste biak, adin txikikoak, ez.
Ez da lehen aldia Urruñan migratzaileak atxilotu eta mugaren beste aldera eramaten dituztela.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.