Akusazio partikularrak helegitea aurkeztu du Gorenaren aurrean, Kote Cabezudori ezarritako zigorragatik
Mario Diez abokatuak (hamahiru emakume ordezkatzen ditu akusazio partikular gisa Kote Cabezudoren kasuan), helegitea aurkeztu du Auzitegi Gorenaren aurrean, argazkilari donostiarra 28 urte eta bi hilabeteko espetxealdiarekin zigortu zuen ebazpenaren aurka. Bortxaketa delitua, sexu abusu delitua, sei haur pronografia delitu eta bi iruzur delitu egotzi dizkiote.
Diezek Twtter bidez iragarri duenez, iragan ostiralean "hiru kasazio helegite" gauzatu zituen Gorenaren aurrean, Gipuzkoako Entzutegiko Lehen Atalak ekainaren 27an Cabezudori ezarritako zigorraren aurka.
Igorritako ebazpenean, auzitegiak hamar delitu egotzi zizkion guztira argazkilariari, baina zenbait modeloren aurka ustez egindako beste 217 deliturengatik absolbitu zuten, akusazio partikularrak eta Fiskaltzak leporatutakoak.
Donostian martxoaren 7tik apirilaren 13ra bitarte izandako epaiketan zehar, Fiskaltzak 250 urtetik gorako espetxe-zigorra eskatu zuen auzipetuarentzat, eta akusazio partikularrak, berriz, 2.627 urteko eskaera bota zuen.
Zure interesekoa izan daiteke
Hiru zauritu, horietako bat larri, auto batek eta furgoneta batek talka eginda Cintruenigon
Istripua N-113 errepidean (Iruñea-Madril) jazo da, 16:39 aldera. Istripuaren ondorioz, zirkulazioa eten egin dute bi noranzkoetan, 19:25 arte.
Zuiak ur mozketak bertan behera utzi ditu
Egoerak hobera egin ostean, amaitutzat eman ditu mozketak Udalak. Hala ere, herritarrei uraren kontsumo arduratsua izateko eskatu die, mozketa berriak saihesteko.
Kirurgia robotikoa erabiliz lehen giltzurrun transplantea egin dute Gurutzetako Ospitalean
Kirurgia robotikoa hainbat ebakuntza egiteko erabili ohi da aspaldi, baina sekula ez giltzurruna transplantatzeko. Gasteizko ama-semeak dira emaile eta pazientea. Dena ondobidean, abuztuan giltzurrunen bigarren transplante bat egingo dute Gurutzetan robotaren laguntzaz.
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sutea izan da Monteagudon, ardo-upelak egiten dituen enpresa batean
Asteazken arratsaldean piztutako suteak ez du zauriturik eragin; bai, ordea, kalte handiak, garrek nabe bat suntsitu baitute. Suhiltzaileek lanean jarraitzen dute sutea inguruko larreetara ez hedatzeko; bitartean, sutea zerk eragin duen argitzeko ikerketa abiatu du Foruzaingoak.