Jaurlaritzak euskara profil desberdinak proposatu ditu ahozko eta idatzizko gaitasunetan sektore publikoan
Eusko Jaurlaritzak sektore publikoan ahozko gaitasunean eta idatzizkoan euskara profil desberdinak eskatzeko aukera proposatu du, euskararen normalizazioa eta erabilera administraritzan eta enpresa eta fundazio publikoetan arautuko dituen dekretuaren zirriborroaren arabera. Zirriborroak aurreikusten du euskara lan hizkuntza izan dadila, gaztelania bezala, eta nobedadeak ditu; besteak beste, aipatutako profil desberdin horiek, sektore publikoko langileen ahozko eta idatzizko gaitasunak egiaztatzeko.
Jaurlaritzaren asmoa da aurrerapausoa ematea euskararen normalizazioan, administrazio publikoan, eta gaztelania bezala, euskara lan hizkuntza izateko helburua gauzatzea. Dekretu hau sektore publiko osoan ezarriko dute lehen aldiz, hau da, administraritzan zein enpresa eta fundazio publikoetan.
Nobedade nagusia da erdibideko hizkuntza profilak egotea. Horiek modu desberdinean egiaztatuko dituzte ahozko eta idatzizko gaitasunak. Horren bidez, esate baterako, lanpostu batean langileak herritarrekin bereziki ahoz aritzen badira, gehiago baloratuko da hitz egiteko gaitasuna, idaztekoa baino.
Ez da derrigorrezkoa izango aurrez hizkuntza profilik aurkeztea
Beste nobedade bat da ez dela derrigorrezkoa izango aurrez hizkuntza profilik aurkeztea; izan ere, prozesua euskaraz gaindituz gero, langileei eskatutako maila onartuko zaie automatikoki, bestelako titulurik edo probarik gabe.
Baldintza gisa, 2. Hizkuntza Profila edo B2 maila eskatuko dute. Dekretuaren arabera, maila horretan, langileen lan hizkuntzak euskara izan beharko du.
Zirriborroan, orain, urriko erdira arte, ekarpenak egingo dituzte; hori bai, Jaurlaritzak alderdi politikoekin eta sindikatuekin hitz egin du, argitaratu baino lehen. Hurrengo pausoa izango da behin betiko testua Gobernu Kontseiluan eztabaidatu eta onartzea, Euskal Herriko Agintaritzaren Aldizkarian argitaratu aurretik. Bertan argitaratuta, biharamunean sartuko da indarrean.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.