Larizgoitia: "Azken asteotan gripe kasu asko ikusi dugu, eta horrek harritu egiten gaitu"
Gripea inoiz baino lehen heldu da gurera. Itziar Larizgoitia Osasun Publikoko zuzendariak Radio Vitorian egindako elkarrizketan baieztatu duenez, birus horrek goia jo du egunotan, eta hainbat pertsona ospitaleratu behar izan dituzte.
"Gripe kasu asko ikusten ari gara azken aste hauetan, eta harritu egiten gaitu, aurrerago gertatu ohi direlako. Egia da, halaber, ia lehen aldiz gripearen jarraipena egiten ari direla urte osoan. Ez dugu daturik beste urte batzuetan udan gripearen beste kasurik egon den ala ez esateko, baina egia da gripeak eragindako kasuak eta ospitaleratzeak gertatzen direla", azaldu du Larizgoitiak.
Oraingoz, gripearen aurrerapenaren arrazoiak ez dira ezagutzen, baina hainbat hipotesi badaude. "Ez dakigu zein den arrazoia, agian orain intentsitate handiagoz neurtzen delako. Litekeena da covidaren ondorioz unibertso birikoan gertatu diren aldaketekin eraldaketak eragin izana beste birus batzuen portaeran. Gripearena izan daiteke horietako bat, aurrea hartzea eragingo dion portaera desberdinarekin", adierazi du Osasun Publikoko zuzendariak.
Gripearen sasoiaren aurrerapen hori Europako hainbat herrialdetan ere gertatzen ari da.
Albiste gehiago gizartea
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 4,7ko nota jarri diote (10etik) Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegiak epaitzen ari da irakaslea, haurren intimitatearen eta pornografiaren aurkako delituak egotzita, hainbat hilabetez ikertzen aritu eta gero; guztira, 41 biktima izan dira.
700 pisu turistiko kentzeko exijitu du Eusko Jaurlaritzak Airbnb plataformari
Uztailaren 1etik aurrera, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuz zigortu ahal izango dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.