Zortzi lagun hil dira EAEn azken astean covid-19aren ondorioz
Eusko Jaurlaritzaren Osasun sailak pandemiaren datuak eguneratu ditu eta irailaren 12tik 18ra bitarteko datuen buletin epidemiologikoa argitaratu du. Aurreko astean birusaren adierazle guztiek behera egin bazuten ere, aste honetan gora egin dute berriro adierazle nagusiek.
Gora egin du atzera koronabirusaren ondorioz hildakoen kopuruak. Izan ere 8 lagun hil dira azken astean covid-19ak jota, aurreko astean baino hiru lagun gehiago.
Une honetan, halaber, 105 lagun daude ospitaleratuta ohe arruntetan, irailaren 12ko astean baino bederatzi gehiago, eta ZIU oheetan 7 lagun daude, aurreko astean baino 1 gehiago.
Pandemiaren bilakaera neurtzen duen beste adierazleetako bat, 100.000 biztanleko 14 eguneko intzidentzia-tasa metatua, pixka bat jaitsi da, eta 67,39 kasutan kokatu da (69,99 aurreko astean), nahiz eta 7 guneko intzidentzia igo egin den, 0,83tik 1,12ra.
Gauza bera gertatzen da 60 urte edo gehiagoko biztanleriaren intzidentziarekin, 149,48tik 147,16ra jaitsi baita 100.000 biztanleko, duela bi hilabete erregistratutako 918 kasuko tasatik urrun, nahiz eta 7 eguneko intzidentzia-tasa 71,69tik 75,46ra igo den aste honetan.
Oinarrizko birsorkuntza-tasa (R0), positibo batek zenbat pertsona kutsatzen dituen adierazten duenak, berriz ere gainditu du epidemiologoen atalase onargarria (1), eta 1,04ra iritsi da. Arabak bakarrik eutsi dio azpitik (0,94); Bizkaian 1,01ekoa da, eta Gipuzkoan 1,19koa.
Joan den astean, guztira 12.326 koronabirus test egin ziren, eta horietatik 781ek eman zuten emaitza positiboa. Positibotasun-tasa, beraz, joan den asteko % 6,7tik % 6,3ra jaitsi da, beheranzko joerari eutsiz.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.